| e-texts navigator |
| Wylie |
145a1 རྟེན་ར་མདའ་ཕ་སྐྱབས་ནུས། །སངས་རྒྱས་འདིས་ཚུལ་ཁྲིམས་བཤད་པ། །ངས་རྒྱ་ཆེར་བཤད་དུ་ཀུན་རྫོགས། །སངས་རྒྱས
145a2 ཀུན་དང་སློབ་མ་རྣམས། །ཆོས་ཀྱི་ཚུལ་ཁྲིམས་གུས་པར་འཛིན། །གཅིག་ལ་གཅིག་ཀྱང་གུས་པར་བྱོས། །ཆོས་ལ་དྲིན་གཟོ་ཆོ་ག་ཚང་ན། །བྱ་བ་མེད་པའི
145a3 ཆོས་ཐོབ་ནུས། །ཚུལ་ཁྲིམས་ཡི་གེ་བཤད་ཟིན་ནས། །སེམས་གཅིག་བརྟུལ་ཏེ་བྱང་ཆུབ་ཐོབ། །ཆོས་ཀྱི་རྒྱ་མོ་རྫོགས་སོ།། །།རྒྱ་གར་སྐད་དུ།
145a4 ཨཱཪྱ་སཱུཪྱ་གརྦྷ་ནཱ་མ་མ་ཧཱ་བཻ་བུ་ལྱཾ་སཱུ་ཏྲ། བོད་སྐད་དུ། འཕགས་པ་ཤིན་ཏུ་རྒྱས་པ་ཆེན་པོའི་སྡེ་ཉི་མའི་སྙིང་པོ་ཞེས་བྱ་བའི་མདོ། བམ་པོ་དང་པོ། སངས
145a5 རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་འོད་མའི
145a6 ཚལ་བྱ་ཀ་ལནྟ་ཀ་གནས་པ་ན་བཞུགས་ཏེ། གང་དག་ཕྱོགས་བཅུའི་སངས་རྒྱས་ཀྱི་ཞིང་གཞན་གྲངས་མེད་དཔག་ཏུ་མེད་པ་དག་ནས་དེར་ལྷགས་པའི་བྱང་ཆུབ
145a7 སེམས་དཔའ་སེམས་དཔའ་ཆེན་པོ་གྲངས་མེད། དཔག་ཏུ་མེད། བརྗོད་དུ་མེད་པ་དག་གིས་ཡོངས་སུ་བསྐོར་ཅིང་མདུན་གྱིས་བལྟས་སོ། །དེ་བཞིན་དུ་ཕྱོགས
iiif viewer powered by OpenSeadragon
