| e-texts navigator |
| Wylie |
341b1 ལྷའི་བུ་དེ་དག་ཐམས་ཅད་ཀྱང་བྱང་ཆུབ་སེམས་དཔའ་སེམས་དཔའ་ཆེན་པོ་ཏིང་འཛིན་ཐ་དད་པ་དག་ལ་རྣམ་པར་རྩེ་བ་ཤ་སྟག་གོ་། ཚངས་པའི་རིན་ཆེན་སྐྱོང་ལ་སོགས་པ་ཚངས་པ་འབུམ་ཕྲག་དུ
341b2 མའང་བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བཙལ་ཏེ་ཕྱོགས་གཅིག་ཏུ་འཁོད་དོ། །ལྷའི་བུ་མོ་ཆུ་ཤིང་ལྟ་བུ་ལ་སོགས་པ་ལྷའི་བུ་མོ་འབུམ
341b3 ཕྲག་དུ་མའང་འཁོར་དེ་ཉིད་ཀྱི་ནང་དུ་འདུས་ཏེ་གར་བྱེད་ཅིང་གླུ་ལེན་ལ་ལྷའི་བུ་མོ་རེ་རེས་ཀྱང་དེ་བཞིན་གཤེགས་པ་ལ་གདུགས་དང་། རྒྱལ་མཚན་དང་། བ་དན་དཔེ་མེད་པ་དངར་ཅིང་མངོན་པར་དངར་ཏོ། །
341b4 དངར་ཅིང་མངོན་པར་དངར་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བཙལ་ཏེ་ཕྱོགས་གཅིག་ཏུ་འཁོད་དོ། །ལྷའི་བུ་མོ་དེ་དག་ཐམས་ཅད་ཀྱང་བུད་མེད་ཀྱི་སྐྱོན་དང་བྲལ་བའི་བྱང་ཆུབ་སེམས་དཔའ་སེམས
341b5 དཔའ་ཆེན་པོ་ཤ་སྟག་གོ་། ལྷའི་རིས་རེ་རེ་ནས་ཀྱང་ལྷའི་བུ་མོ་འབུམ་ཕྲག་དུ་མ་གར་བྱེད་ཅིང་གླུ་ལེན་ཏེ་བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས་དེ་བཞིན་གཤེགས་པ་ལ་ལྷའི་གདུགས་ཀྱི་སྤྲིན་དང་།
341b6 རྒྱལ་མཚན་གྱི་སྤྲིན་དང་། བ་དན་གྱི་སྤྲིན་དག་དངར་ཅིང་མངོན་པར་དངར་ཏེ་མངོན་པར་རབ་ཏུ་དངར་ཏོ། །དངར་ཅིང་མངོན་པར་དངར་ཏེ་མངོན་པར་རབ་ཏུ་དངར་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག
341b7 བཙལ་ཏེ་ཕྱོགས་གཅིག་ཏུ་འཁོད་དོ། །ལྷའི་བུ་མོ་དེ་དག་ཐམས་ཅད་ཀྱང་བུད་མེད་ཀྱི་སྐྱོན་དང་བྲལ་བའི་བྱང་ཆུབ་སེམས་དཔའ་སེམས་དཔའ་ཆེན་པོ་ཤ་སྟག་གོ་།ཡང་དེའི་ཚེ་ཕྱོགས་དང་ཕྱོགས་མཚམས
iiif viewer powered by OpenSeadragon
