| e-texts navigator |
| Wylie |
336b1 པ་ཡང་དག་པར་རྫོགས་པའི་བྱང་ཆུབ་མངོན་པར་འཚང་རྒྱ་བར་འགྱུར་ཏེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས
336b2 པ|་འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ་བླ་ན་མེད་པ། ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་གཙང་ཞིང་བདེན་པའི་མཚམས་འཕེལ་བར་མཛད་པ་ཞེས
336b3 བྱ་བར་འགྱུར་རོ། །འཇིག་རྟེན་གྱི་ཁམས་མི་མཇེད་འདི་ཡང་འཇིག་རྟེན་གྱི་ཁམས་གཙང་མ་སྦྱོང་བ་ཞེས་བྱ་བར་འགྱུར་རོ། །བསྐལ་པ་ནི། གཙང་ཞིང་བདེན་པའི་མཚམས་ཞེས་བྱ་བར་འགྱུར་ཏེ། འཇིག
336b4 རྟེན་གྱི་ཁམས་གཙང་མ་སྦྱོང་བ་དེ་འབྱོར་བར་འགྱུར། རྒྱས་པར་འགྱུར། བདེ་བ་དང་། ཉམས་དགའ་བ་དང་། ལོ་ལེགས་པ་དང་། སྐྱེ་བོ་དང་། མི་མང་པོས་གང་བར་འགྱུར་ཏེ། འབྱོར་ཅིང་རྒྱས་པར
336b5 གྱུར་པ་དེའི་ཚེ་ཛམྦུའི་གླིང་འདིར་གྲོང་ཁྱེར་གཙང་མ་བསུང་ལྡན་ཞེས་བྱ་བ་ཞིག་འབྱུང་བར་འགྱུར་ཏེ། གྲོང་ཁྱེར་གཙང་མ་བསུང་ལྡན་དུ་མི་བྱེ་བ་བརྒྱ་སྟོང་ཕྲག་དགུ་བཅུ་རྩ་བརྒྱད་འབྱུང་བར་འགྱུར་རོ། །
336b6 དཔེ་མེད་པའི་གྲོང་ཁྱེར་དེར་ར་བ་དང་། ཡང་ཐོག་དང་། བླ་འཚོགས་དང་། འོབས་དཔེ་མེད་པ་དག་འབྱུང་བར་འགྱུར་རོ། །དག་ཅིང་ཉོན་མོངས་ཞི་བར་བྱེད་པའི་ཆུའི་ཀླུང་ནག་པོ་བཟང་ཞེས་བྱ་བ་ནི། དེའི་ཚེ
336b7 གཙང་མ་བཟང་པོ་ཞེས་བྱ་བར་འགྱུར་ཏེ། འགྲམ་ཕ་རོལ་ཚུལ་རོལ་དཔེ་མེད་པའི་ཤིང་ལྗོན་པའི་ཀུན་དགའ་ར་བ་ཉམས་དགའ་བ་དང་ལྡན་པར་འགྱུར་རོ། །འཇིག་རྟེན་གྱི་ཁམས་གཙང་མ་སྦྱོང་བ་དེ་ཡང
iiif viewer powered by OpenSeadragon
