| e-texts navigator |
| Wylie |
336a1 བྱེད་མི་ནུས་ཞེས་ཁྱོད་སྨྲའམ། བཅོམ་ལྡན་འདས། དེ་ནི། མ་ལགས་སོ། །བཀའ་སྩལ་པ། སྤྲིན་ཆེན་སྙིང་པོ། ལྷ་མོ་འདི་ཆོ་འཕྲུལ་ཆེན་པོ་སྟོན་མི་ནུས་སོ། །
336a2 ཞེས་དེ་སྐད་མ་ཟེར་ཅིག་།འོན་ཀྱང་འདུལ་བའི་དབང་གིས་ནི། མི་འདོད་དོ། །དེ་ཅིའི་ཕྱིར་ཞེ་ན། ཛམྦུའི་གླིང་འདི་ན་ལྷ་མོ་འདི་ལ་སོགས་པ་དགེ་སློང་ངམ། དགེ་སློང་མ་ཚུལ་ཁྲིམས་དང་ལྡན་པར
336a3 གྱུར་ནས་ཡོངས་སུ་མྱ་ངན་ལས་འདའ་བར་མི་འགྱུར་བའི་སེམས་ཅན་དེ་གང་ཡང་མེད་དེ། དེ་ནི། གནས་མེད་དོ། །སྤྲིན་ཆེན་སྙིང་པོ། དེ་བས་ན། མ་འོངས་པའི་སེམས་ཅན་བསོད་ནམས་ཆུང
336a4 དུ་ཐམས་ཅད་ཀྱི་དད་པ་བསྐྱེད་པའི་ཕྱིར་མདོ་འདི་ལས་བྱང་ཆུབ་སེམས་དཔའ་རྣམས་ལུང་སྟོན་པར་བྱེད་དོ། །ཞེས་ང་སྨྲའོ། །སྤྲིན་ཆེན་སྙིང་པོ། དེའི་ཚེ་ལྷ་མོ་འདི་བུད་མེད་ཀྱི་ལུས་ལས་ལྡོག་ནས་དེ
336a5 བཞིན་གཤེགས་པ་འོད་དཔག་མེད་ཀྱི་སངས་རྒྱས་ཀྱི་ཞིང་འཇིག་རྟེན་གྱི་ཁམས་བདེ་བ་ཅན་དུ་སྐྱེ་བ་ལེན་པར་འགྱུར་ཏེ། འཇིག་རྟེན་གྱི་ཁམས་དེར་བདེ་བ་ཉམས་སུ་མྱོང་ནས་རིམ་གྱིས་སངས་རྒྱས་སུ
336a6 འགྱུར་རོ། །གསོལ་པ། བཅོམ་ལྡན་འདས། ཐབས་ལ་མཁས་པ་དང་ལྡན་པའི་ལྷ་མོ་འདི་ཡུན་ཇི་སྲིད་ཅིག་ན་སངས་རྒྱས་སུ་འགྱུར། འདིའི་མིང་ཡང་ཇི་སྐད་ཅེས་བགྱི་བར་འགྱུར། བཅོམ་ལྡན་འདས
336a7 དེའི་འཇིག་རྟེན་གྱི་ཁམས་ནི། ཅི་འདྲ་བར་འགྱུར། བཀའ་སྩལ་པ། ལྷ་མོ་འདི་ནི། བསྐལ་པ་གྲངས་མེད་པ་ཕྲག་ལྔ་བརྒྱ་འདས་པ་ན་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདིར་བླ་ན་མེད
iiif viewer powered by OpenSeadragon
