| e-texts navigator |
| Wylie |
335a1 མཐུན་པའི་མིང་འདོགས་སོ། །དེ་ནས་རིམ་གྱིས་རྒྱལ་པོ་དཔལ་འཕེལ་རང་གི་བསོད་ནམས་ཟད་ནས་འཆི་བའི་དུས་བྱེད་པར་འགྱུར་རོ། །དེ་ནས་གྲོང་ཁྱེར་དང་། གྲོང
335a2 རྡལ་དང་། ཡུལ་གྱི་མི་རྣམས་འདུས་ཏེ། གཞོན་ནུ་རྒྱལ་པོ་ནུས་པ་འགའ་ཡང་མེད་ཀྱི། ལྷ་མོ་ལོ་ཏོག་འབྱོར་མ་འདི་ཉིད་རྒྱལ་པོར་དབང་བསྐུར་ལ་རྒྱལ་པོའི་ཕོ་བྲང་དུ་དེ་འདྲ་བའི་གཞོན་ནུ་འགའ
335a3 ཞིག་མིང་ཁྱེར་ཙམ་དུ་བཞག་སྟེ། དེ་ལྟར་བྱས་ན་ལེགས་སོ་སྙམ་མོ། །དེ་ནས་ལྷ་མོ་དེ་དང་། རྒྱལ་བུ་གཞོན་ནུ་དེ་རྒྱལ་པོ་བྱེད་དུ་བཅུག་སྟེ། ཕོ་འུད་ཏི་མོ་འུད་ཏི་བཞིན་དུ་སྙད་བཏགས་ནས་བདག་ཉིད
335a4 ཀྱི་ཡུལ་དུ་བདག་ཉིད་ཀྱིས་བུད་མེད་ཀྱི་གཟུགས་ཀྱིས་རྒྱལ་སྲིད་ཆེན་པོ་ཡོངས་སུ་སྤྱད་དེ། མུ་སྟེགས་ཅན་ངན་པའི་སྡེ་མངོན་པར་འདུལ་བར་བྱེད་ཅིང་ཛམྦུའི་གླིང་གི་ས་གཞི་ཐམས་ཅད་དེ་བཞིན
335a5 གཤེགས་པའི་མཆོད་རྟེན་གྱི་མངོན་མཚན་ཅན་དུ་བྱས་ནས་བཀུར་སྟིར་བྱེད། བླ་མར་བྱེད། རིམ་གྲོར་བྱེད། མཆོད་པར་བྱེད་དེ། རིན་པོ་ཆེ་ཐམས་ཅད་ཀྱི་གདུགས་ཆེན་པོ་དང་། རིན་པོ་ཆེ་ཐམས
335a6 ཅད་ཀྱི་བ་དན་རྣམས་དང་། རིན་པོ་ཆེ་ཐམས་ཅད་ཀྱི་རྣམ་པར་རྒྱལ་བའི་བ་དན་རྣམས་དང་། སྤོས་ཐམས་ཅད་ཀྱིས་བསྒོས་པའི་ཙནྡན་གྱི་ཕྱེ་མ་དང་། སྤོས་དང་། མེ་ཏོག་ཐམས་ཅད་དང་། རྔ་པ་ཊ་ཧ་དང་།
335a7 ཁར་རྔ་དང་། རྫ་རྔ་དང་། པི་ཝང་དང་། གླིང་བུ་དང་། སེལ་སྙན་བརྒྱ་ཕྲག་ཐམས་ཅད་ཀྱིས་མཆོད་པ་བྱས་ནས་ཛམྦུའི་གླིང་ཐམས་ཅད་བསྐོར་ཏེ་དགེ་སློང་ཚུལ་ཁྲིམས་དང་ལྡན་པ་དང་། ཡོན་ཏན་དང་ལྡན
iiif viewer powered by OpenSeadragon
