| e-texts navigator |
| Wylie |
334b1 ན་ལྷོ་ཕྱོགས་ཀྱི་རྒྱུད་དུ་ཡུལ་འཁོར་མུན་པ་ཅན་ཞེས་བྱ་བ་ཞིག་འབྱུང་བར་འགྱུར་ཏེ། ཡུལ་འཁོར་ཆེན་པོ་དེ་ན་ཆུ་ཀླུང་ནག་པོ་བཟང་ཞེས་བྱ་བ་ཞིག་ཡོད་པ་དེའི་ལྷོ་ཕྱོགས་ཀྱི་འགྲམ་ན་གྲོང་ཁྱེར་དཔལ
334b2 ཡོན་ཅན་དེས་པ་ཞེས་བྱ་བར་ཁམས་ཀྱི་རྒྱལ་པོ་རྒུད་པ་གསོ་བ་ཞེས་བྱ་བའི་རིགས་སུ་འབྱུང་བར་འགྱུར་ཏེ། ཁམས་ཀྱི་རྒྱལ་པོ་དེའི་རིགས་རབས་གསུམ་ལོན་པ་ན་རྒྱལ་པོ་དཔལ་འཕེལ་ཞེས་བྱ
334b3 བ་ཞིག་འབྱུང་བར་འགྱུར་ཏེ། རྒྱལ་པོ་དེའི་བུ་མོ་སྙིང་དུ་སྡུག་ཅིང་བྱམས་ལ་ཡིད་དུ་འོང་བ་དང་། གནང་བ་དང་། མཆོག་ཏུ་མཛེས་ཤིང་གཟུགས་བཟང་ལ་རིགས་ཀྱི་སྤྱོད་པའི་ཚུལ་ཕུན་སུམ་ཚོགས
334b4 པ་སྐྱོང་བའི་རང་བཞིན་དུ་སྐྱེ་བར་འགྱུར་ཏེ། དེའི་ཚེ་དེའི་དུས་ན་བུ་མོ་དེ་ཇི་ཙམ་དུ་སྐྱེས་པ་དེ་ཙམ་དུ་བདག་ཉིད་ཀྱི་རྒྱལ་པོའི་ཕོ་བྲང་འཁོར་འཕེལ་བར་བྱེད་དེ། རྒྱལ་པོའི་ཕོ་བྲང་འཁོར་དེ་འབྱོར་ཅིང་རྒྱས་པར
334b5 འགྱུར་རོ། །དེ་བཞིན་དུ་མུན་པ་ཅན་གྱི་ཡུལ་འཁོར་ཡང་དེའི་ཚེ་འབྱོར་ཅིང་རྒྱས་པར་འགྱུར་ཏེ། སྐྱེ་བོ་མང་པོས་ཀྱང་གང་བར་འགྱུར་རོ། །འབྲུ་རྣམས་ཀྱི་ལེ་ཏོག་ཀྱང་ཤིན་ཏུ་ཕུན་སུམ་ཚོགས་པར་འགྱུར
334b6 རོ|་|མི་རྣམས་ཀྱང་བདེན་པར་སྨྲ་བར་འགྱུར་རོ། །ནང་མེད་པ་དང་། འཇིགས་པ་མེད་པ་དང་། བདེ་བར་ཡང་འགྱུར་རོ། །དེ་ནས་བུ་མོའི་ཕ་རྒྱལ་པོ་དཔལ་འཕེལ་གྱིས་བདག་ཉིད་ཀྱི་བསོད་ནམས་ཀྱིས་གྲོང
334b7 ཁྱེར་དང་། ཡུལ་འཁོར་འབྱོར་ཅིང་རྒྱས་ལ་ཡུལ་གྱི་མི་རྣམས་ཤིན་ཏུ་ལེགས་པར་འཁོད་པ་དང་། འབྲུ་ཤིན་ཏུ་ཚོགས་པར་མཐོང་ནས་བདག་ཉིད་ཀྱི་བུ་མོའི་མིང་ལོ་ཏོག་འབྱོར་མ་ཞེས་ཡོན་ཏན་དང
iiif viewer powered by OpenSeadragon
