| e-texts navigator |
| Wylie |
322a1 འདི་སྐད་ཅེས་སྨྲས་སོ། །འཕགས་པ་སྤྲིན་ཆེན་སྙིང་པོ་ཅིའི་ཕྱིར་བཅོམ་ལྡན་འདས། འདི་སུའི་སྔ་ལྟས་ལགས་ཞེས་སྨྲ། མཚན་མ་མེད་པའི་ཆོས་རྨི
322a2 ལམ་ལྟ་བུ་ཡིན་ཡང་འདྲི་བར་བྱེད་དམ། ཁྱོད་ལ་ནི། ད་དུང་ཡང་ཕྱིན་ཅི་ལོག་ཡོད་པ་འདྲའོ། །སྨྲས་པ། ལྷ་མོ། ལེགས་སོ། །ལེགས་སོ། །དེ་དེ་བཞིན་ཏེ། ལྷ་མོ། ཁྱོད་ལེགས་སོ། །
322a3 ཁོ་བོ་ནི། རྨི་ལམ་ལྟ་བུའི་ཡུལ་དག་ལ་མཚན་མར་ལྟ་བ་འཛིན་པའི་དུ་ཤེས་བཅོམ་ལྡན་འདས་ལ་ཞུ་བར་བྱེད་དོ། །སྨྲས་པ། འཕགས་པ་སྤྲིན་ཆེན་སྙིང་པོ། སུའི་དོན་གྱི་ཕྱིར
322a4 མཚན་མར་ལྟ་བ་འཛིན་པའི་འདུ་ཤེས་སྨྲ་པར་བྱེད། སྨྲས་པ། སེམས་ཅན་ཐམས་ཅད་ལ་ཕན་པར་བྱ་བའི་ཕྱིར་རོ། །སྨྲས་པ། གང་བདག་གི་ལྟ་བ་བསལ་བར་མི་ནུས་པ་དེས
322a5 གཞན་གྱི་ལྟ་བསེལ་བར་འགྱུར་བ་དེ་ནི། གནས་མེད་དོ། །བཅོམ་ལྡན་འདས་ཀྱིས་བཀའ་སྩལ་པ། སྤྲིན་ཆེན་སྙིང་པོ། ལྷ་མོས་ཇི་སྐད་སྨྲས་པ་བཞིན་ཏེ། ཏིང་ངེ་འཛིན་འདི་ལ་གནས
322a6 པའི་བྱང་ཆུབ་སེམས་དཔའ་གང་ཡིན་པ་དེ་ནི། མཚན་མ་མེད་པའི་འདུ་ཤེས་ཡང་དག་པར་མཐོང་བ་ཡིན་ནོ། །གསོལ་པ། བཅོམ་ལྡན་འདས། འདི་ལ་གནས་པའི་བྱང་ཆུབ་སེམས
322a7 དཔའ་རིགས་ཀྱི་བུའམ། རིགས་ཀྱི་བུ་མོ་མཚན་མ་མ་མཆིས་པའི་འདུ་ཤེས་ཡང་དག་པར་ལྟ་བར་འཚལ་བས་ཇི་ལྟར་ཡང་དག་པར་བལྟ་བར་བགྱི་།བཀའ་སྩལ་པ། སྤྲིན་ཆེན་སྙིང་པོ།
iiif viewer powered by OpenSeadragon
