| e-texts navigator |
| Wylie |
321b1 འཁོར་ཆེན་པོའི་ནང་དུའང་པདྨ་བཀྲ་ཞིང་བ་ལྟ་ན་སྡུག་ལ་ཁ་དོག་བཟང་ཞིང་ཡིད་དུ་འོང་བ་འདབ་མ་བྱེ་བ་བརྒྱ་སྟོང་ཕྲག་དུ་མ་དང་ལྡན་པ། སྟེང་རིན་པོ་ཆེའི་དྲ་བ་དྲི་བསུང་དང་ལྡན་ཞིང་འཇམ་ལ
321b2 ཀ་ཙ་ལིནྡིའི་གོས་ལྟར་རེག་ན་བདེ་བ། བཀྲ་ཞིང་བལྟ་ན་སྡུག་པ་དག་གིས་ཀུན་ཏུ་ཁེབས་པ་བྱེ་བ་ཕྲག་དྲུག་ཅུ་ས་གཞི་བརྟོལ་ཏེ་མངོན་པར་ཐོན་པར་གྱུར་ཏོ། །པདྨ་དེ་དག་རེ་རེ་ལས་དྲི་ངད་བྱུང
321b3 བ་གང་ཡིན་པ་དེས་ཀྱང་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་དྲིས་ཁྱབ་པར་གྱུར་ཏོ། །སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདིའི་ལྷ་དང་། ཀླུ་དང་། གནོད
321b4 སྦྱིན་དང་། དྲི་ཟ་དང་། མི་རྣམས་ཀྱི་སྤོས་གང་ཡིན་པ་དེ་དག་ཐམས་ཅད་ཀྱང་པདྨའི་དྲི་དེས་ཁྱབ་པར་གྱུར་ཏོ། །ལྷ་དང་། མི་རྣམ་དང་། ལྷ་མ་ཡིན་དང་། ནམ་མཁའ་ལྡིང་དང་། ཀླུ་དང་། གནོད
321b5 སྦྱིན་དང་། དྲི་ཟ་རྣམས་དང་། མིའམ་ཅི་དང་། ལྟོ་འཕྱེ་ཆེན་པོ་གང་དག་གི་སྣར་པདྨའི་དྲི་དེ་སོང་བ་དེ་དག་ཐམས་ཅད་ཀྱང་ཆོས་ཀྱི་དགའ་བ་དང་། ཆོས་མཉན་པའི་རྒྱུ་དང་ལྡན་པར་གྱུར་ཏེ་བདག
321b6 ཉིད་ཉོན་མོངས་པ་དང་བྲལ་བ་སྙམ་དུ་ཤེས་སོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྲིན་ཆེན་སྙིང་པོས་ཆོས་ཀྱི་འོད་ཀྱི་བཀོད་པ་དེ་མཐོང་ནས་ཐལ་མོ་སྦྱར་ཏེ་བཅོམ་ལྡན་འདས་ལ
321b7 འདི་སྐད་ཅེས་གསོལ་ཏོ། །བཅོམ་ལྡན་འདས། འདི་ལྟར་ཕྱོགས་བཅུར་འོད་གདའ་བ་འདི་དང་། པདྨའི་བཀོད་པ་བྱུང་བ་འདི་སུའི་སྔ་ལྟས་ལགས། དེ་ནས་ལྷ་མོ་དྲི་མ་མེད་པའི་འོད་ཀྱིས་སྤྲིན་ཆེན་སྙིང་པོ་ལ
iiif viewer powered by OpenSeadragon
