| e-texts navigator |
| Wylie |
320a1 སེམས་ཤིང་དེ་བཞིན་གཤེགས་པ་ཡོད་བཞིན་དུ་ཡོངས་སུ་མྱ་ངན་ལས་འདས་སོ། །ཞེས་ཡོངས་སུ་མྱ་ངན་ལས་འདས་པའི་འདུ་ཤེས་ལ་འཇུག་སྟེ། སྲོག
320a2 ཆགས་ཕྱེ་མ་ལེབ་མར་མེའི་ནང་དུ་ལྟུང་བ་བཞིན་ནོ། །འདི་ལྟ་སྟེ། དཔེར་ན། ཚོང་པའི་བུ་ཐམས་ཅད་དཔྱིད་ཀྱི་དུས་ཚིགས་སུ་ག་ཞིག་ཏུ་འདུས་ནས་རྫིང་བུ་ཆུ་ཆེན་པོའི་ནང་དུ་ཁྲུས་བྱེད་ལ། དེའི
320a3 ནང་དུ་གཅིག་གིས་ནོར་བུ་རིན་པོ་ཆེ་འོད་ཐམས་ཅད་དང་ལྡན་པ་ཞེས་བྱ་བ་བོར་ནས་ནོར་བུ་རིན་པོ་ཆེ་དེའི་གཟི་བརྗིད་ཀྱི་མཐུས་ཀྱང་རྫིང་བུའི་ཆུའི་ཕུང་པོ་རུས་པ་དང་། གསེག་མ་དང་། གྱོ་མོ
320a4 དང་། རྔོ་ཡོད་པ་གང་ཡིན་པ་དེ་དག་ཐམས་ཅད་རྣམ་པར་མཛེས་པར་གྱུར་ཏེ། དེར་ཟླ་བ་དང་། ཉི་མའི་འོད་ཀྱང་ལྷན་ནེ། ལྷང་ངེར་མི་འདུག་གོ་།དེ་ནས་སྐྱེ་བོ་མང་པོས་ནོར་བུ་དེ་བཙལ་བའི
320a5 ཕྱིར་རྐོ་བ་དག་གིས་རྐོ་བར་བྱེད་དེ། དེའི་ནང་ནས་ཅིའང་རུང་བ་ཞིག་བླངས་ནས་ནོར་བུ་རྙེད་དོ་སྙམ་དུ་སེམས་ཏེ། ཡིད་རབ་ཏུ་དགའ་བར་བྱེད་དོ། །དེ་ནས་སེམས་ཅན་དེ་དག་རྫིང་བུའི་འགྲམ
320a6 དུ་འཁོད་ནས་སོ་སོར་རློམ་སེམས་སུ་གྱུར་ན། འདི་ཇི་སྙམ་དུ་སེམས། བདག་ཅག་གིས་མ་རྙེད་དོ་སྙམ་དུ་སེམས་པར་འགྱུར་རམ། དེ་ནས་སེམས་ཅན་ད་དག་ཐམས་ཅད་ཀྱིས་ནོར་བུ
320a7 རིན་པོ་ཆེ་མ་རྙེད་ཀྱང་ཀྱེ་མ་ནོར་བུ་རིན་པོ་ཆེ་མ་རྙེད་དོ། །ཞེས་ནོར་བུ་མེད་པའི་འདུ་ཤེས་འཇུག་ཅིང་རྟོག་པར་བྱེད་དམ། དེའི་ནང་ན་ཐབས་ལ་མཁས་ཤིང་ཡིད་གཞུངས་པ་གཅིག་གིས་ནི།
iiif viewer powered by OpenSeadragon
