| e-texts navigator |
| Wylie |
319b1 གནས་མེད་དོ། །དེ་བས་ན། བཅོམ་ལྡན་འདས་ཀྱིས་སྲིད་པ་ཐམས་ཅད་ནའང་རྟག་པར་གནས་པའི་ཆོས་ཡུངས་འབྲུ་ཙམ་ཡང་མེད་དོ། །ཞེས་བྱ་བ་དེ་ནི། བདག་དང་། སེམས་ཅན་དང་། སྲོག
319b2 དང་། གང་ཟག་མེད་དོ། །ཞེས་བསྟན་པ་ཡིན་ཏེ། ཤིན་ཏུ་ཡུན་རིང་དུ་གནས་པ་ནི། སངས་རྒྱས་ཀྱི་ཆོས་ལ་གནས་པ་ཡིན་པར་འདུ་ཤེས་བསྐྱེད་པར་བྱའོ། །ཏིང་ངེ་འཛིན་འདི་ལ་གནས་པའི
319b3 བྱང་ཆུབ་སེམས་དཔའ་ནི། ཆགས་པའང་མ་ཡིན། ན་ཆགས་པའང་མ་ཡིན། ཉེ་བར་ལེན་པའི་ཆོས་ལ་གནས་པའང་མ་ཡིན་ཏེ། རྟག་པ་དང་། ཐེར་ཟུག་པ་དང་། བརྟན་པ་དང་། བདེ་བ་དང་།
319b4 འཇིགས་པ་མེད་པ་དང་། ང་རྒྱལ་མེད་པ་དང་། ཀུན་ནས་ཉོན་མོངས་པ་མེད་པ་དང་། བདག་དང་། སེམས་ཅན་དང་། སྲོག་དང་། གང་ཟག་ཉིད་ཡིན་ཏེ། སྤྲིན་ཆེན་སྙིང་པོ། དེ་བས་ན། རྟག་པ
319b5 དང་། ཐེར་ཟུག་པ་དང་། བརྟན་པའོ། །ཞེས་ང་སྨྲའོ། །སྤྲིན་ཆེན་སྙིང་པོ། ངས་ཉན་ཐོས་ཀྱི་ཐེག་པར་དགེ་སློང་དག་།ཡོངས་སུ་གཟུང་བར་བྱ་བ་གང་ཡིན་པ་དེ་ཡོངས་སུ་གཟུང་བར་གྱིས་ཤིག་།
319b6 ཡོངས་སུ་གཟུང་བར་བྱ་བ་རྟག་པ་དང་། ཐེར་ཟུག་པ་དང་། བརྟན་པ་དང་། བདག་བླང་བར་བྱ་བ་བླང་བར་གྱིས་ཤིག། ལྟ་བའི་རྟེན་དུ་གྱུར་པ་རྟག་པ་དང་། ཐེར་ཟུག་པ་དང་། བརྟན་པ་དེ་ལ་རྟེན
319b7 ཅིག་ཅེས་བསྟན་ཏེ། གསལ་བའི་དོན་མི་མངོན་པར་བྱས་ནས་གསལ་བར་ངས་བསྟན་པ་དེ་འཇིག་རྟེན་གྱིས་ཁོང་དུ་མི་ཆུད་དེ། སེམས་ཅན་བསོད་ནམས་ཆུང་ངུ་དག་ནི། ཐར་པ་ལ་ཟད་པར
iiif viewer powered by OpenSeadragon
