| e-texts navigator |
| Wylie |
318b1 ཅད་ཆུ་ཟླ་དང་འདྲ་སྟེ། སྒྱུ་མ་ལྟ་བུའོ། །ཞེས་ཀྱང་དེ་བཞིན་གཤེགས་པས་གསུངས་སོ། །བཀའ་སྩལ་པ། ཆུ་ཟླ་དང་འདྲ་བ་དང་། སྒྱུ་མ་ལྟ་བུ་དང་འདྲ་ཞེས་བྱ་བ་ནི། ཉོན་མོངས་པ་ཟད་པ་ལ
318b2 གསུངས་ཀྱི། ཆོས་ཐམས་ཅད་ལ་མ་གསུངས་ཏེ། ཆོས་ལ་ལ་ནི། རྟག་།ཆོས་ལ་ལ་ནི། མི་རྟག་ཅེས་ང་སྨྲའོ། །ཡང་བཀའ་སྩལ་པ། ཇི་ལྟ་ཞེ་ན། སེམས་ཅན་གང་དག་ཐར་པའི་ཕྱོགས
318b3 སུ་གཏོགས་པ་དེ་དག་ནི། རྟག་པའི་ཆོས་ཅན་ཡིན་ནོ། །གང་དག་སེམས་ཅན་མེད་པ་དང་། སྲོག་མེད་པའི་ཕྱོགས་སུ་གཏོགས་པ་དེ་དག་ནི། མི་རྟག་པའི་ཆོས་ཅན་ཞེས་ང་སྨྲའོ། །གསོལ
318b4 པ|་དངོས་པོ་མ་མཆིས་པའི་ཚུལ་དུ་བཀའ་སྩལ་ལགས་ན། ཅི་ལ་དགོངས་ཏེ་བཅོམ་ལྡན་འདས། དེ་བཞིན་གཤེགས་པས་ལྕགས་ཀྱི་མར་མེ་གུམ་པ་ལྟ་བུའི་ཚུལ་དུ་བསྟན་པ་མཛད།
318b5 བཀའ་སྩལ་པ། དེ་ལ་དངོས་པོ་ཅི་ཞིག་ཡོད། གསོལ་པ། འབྲུ་མར་གྱི་སྣོད་དང་། ལྕགས་ཀྱི་རང་བཞིན་མཆིས་སོ། །བཀའ་སྩལ་པ། སྤྲིན་ཆེན་སྙིང་པོ། ལེགས་སོ། །ལེགས་སོ། །
318b6 དེ་ལྟར་ལྟ་བར་འདོད་པའི་བྱང་ཆུབ་སེམས་དཔས་ཏིང་ངེ་འཛིན་འདི་ལ་གནས་པའི་བྱང་ཆུབ་སེམས་དཔའ་ལ་དངོས་པོའི་རང་བཞིན་དང་འདྲ་བར་བལྟ་བར་བྱའོ། །གལ་ཏེ་འབྲུ་མར་གྱི་སྣོད
318b7 དང་། ལྕགས་ཀྱི་རང་བཞིན་དང་ལྷན་ཅིག་ཏུ་མར་མེ་གུམ་པ་ལྟ་བུ་དེ་ཐར་པའི་ཚུལ་ཡིན་ནོ། །ཞེས་དེ་བཞིན་གཤེགས་པས་བཤད་པར་གྱུར་ན་ནི། དེ་ལྟར་ན། དེ་བཞིན་གཤེགས་པ་ཆད
iiif viewer powered by OpenSeadragon
