| e-texts navigator |
| Wylie |
318a1 ཞེས་ཀྱང་ཇི་སྐད་བགྱི། བཅོམ་ལྡན་འདས་ཀྱིས་བཀའ་སྩལ་པ། སྤྲིན་ཆེན་སྙིང་པོ། ཅི་དར་གྱི་སྲིན་བུ་ལྟར་བདག་ཉིད་དཀྲི་བར་སེམས་སམ། འདི་ན་མི་ལ་ལ
318a2 དེ་འདྲ་བའི་ཕྱིར་ཀྱེ་མ་ཁྱོད་ཀྱི་བཞིན་ཟླ་བ་འདྲའོ། །ཞེས་ཟླ་བ་ལས་དཔེ་ལེན་པར་བྱེད་ལ། མི་གཞན་ཞིག་གིས་ནི། ཀྱེ་མ་གླང་པོ་ཆེའི་དབང་པོ་རི་དང་འདྲའོ། །ཞེས་རི་ལས་དཔེ་ལེན་པར
318a3 བྱེད་ན། ཅི་ཟླ་བ་བཞིན་དང་འདྲ་བར་འགྱུར་རམ། རིའང་གླང་པོ་ཆེ་དང་འདྲ་བར་འགྱུར་རམ་ཞེས་བརྗོད་དགོས་སོ། །གསོལ་པ། འདི་ནི། དཔེར་བགྱི་བ་ལགས་ཞེས་བདག་མཆིའོ། །
318a4 བཀའ་སྩལ་པ། སྤྲིན་ཆེན་སྙིང་པོ། བསྟན་པའི་དཔེ་ནི། འཇིག་རྟེན་ཐམས་ཅད་ན་མེད་དེ། དེ་དང་འདྲ་བ་ཙམ་གྱི་ཕྱིར་དཔེ་རྣམ་པ་ལྔ་པོ་འདི་དག་ངས་དཔེར་བྱས་མོད་ཀྱི། འདི་ལ
318a5 གནས་པའི་བྱང་ཆུབ་སེམས་དཔའ་ལ་ནི། དཔེ་མེད་པར་རིག་པར་བྱའོ། །གསོལ་པ། བཅོམ་ལྡན་འདས། དེ་བཞིན་གཤེགས་པས་ཅི་ལས་དགོངས་ཏེ་ཐར་པ་ལ་ལྕགས་ཀྱི་མར
318a6 མེ་གུམ་པའི་ཚུལ་དང་འདྲ་ཞེས་གསུང་། བཀའ་སྩལ་པ། ད་ནི། ཐར་པ་ལ་ལྕགས་ཀྱི་མར་མེ་ཤི་བའི་ཚུལ་དང་འདྲ་ཞེས་མི་ཞེར་གྱི། ཉོན་མོངས་པ་ཟད་པ་ལ་ཟེར་རོ། །གསོལ
318a7 པ|་བཅོམ་ལྡན་འདས། ཅི་མཁྱེན་བཞིན་དུ་ཐར་པ་ལ་མི་གསུང་གི། ཉོན་མོངས་པ་ཟད་པ་ལ་གསུང་ངོ་། །ཞེས་ཤོ་བེ་གསུང་ངམ། ད་ལྟར་ནི། འདི་སྐད་གསུང་ལ་ཆོས་ཐམས
iiif viewer powered by OpenSeadragon
