| e-texts navigator |
| Wylie |
317b1 སེམས་ཅན་དེ་དག་ནི། འཇིག་རྟེན་པའི་ཆོས་ཅན་དང་། རྨོངས་པའི་ཆོས་ཅན་ཡིན་པར་ང་སྨྲའོ། །གསོལ་པ། བཅོམ་ལྡན་འདས། དེ་བཞིན་གཤེགས་པས་ཅི་ལ་དགོངས་ཏེ། འདི་སྐད
317b2 དུ་དཔེ་ལྔ་པོ་འདི་དག་ནི། དེ་ཁོ་ན་ཡིན་ཞེས་གསུང་། གལ་ཏེ་དེ་བཞིན་གཤེགས་པ་དེ་སྐད་གསུང་ན་ནི། འདིའི་གཏན་ཚིགས་བཀའ་སྩལ་འཚལ་ལོ། །འདི་ནི། སེམས་ཅན་རྣམས་ལའང
317b3 འགལ་བ་ཆེན་པོར་འགྱུར་རོ། །དེ་ཅིའི་སླད་དུ་ཞེ་ན། བཅོམ་ལྡན་འདས་ཀྱིས་འཇིག་རྟེན་གྱི་བྱ་བ་ཐམས་ཅད་ནི། མི་རྟག་པའི་ཆོས་ཡིན་ནོ། །ཞེས་ཀྱང་བཀའ་སྩལ་ནས་དཔེ་ལྔ་པོ་འབྲུ་དང་།
317b4 ཤིང་ལ་སོགས་པ་འབྲས་བུ་ཉིད་དུ་གྱུར་པ་ན་དེ་དག་ཇི་ལྟར་སླར་འཇིག་པར་མི་འགྱུར། གལ་ཏེ་འཇིག་པར་འགྱུར་ན་ནི། སེམས་ཅན་ཡང་འཇིག་པར་འགྱུར་བས་དེ་དང་འདྲ་བས་ཆོས་ཐམས
317b5 ཅད་ཀྱང་མི་རྟག་པར་ཡང་དག་པར་འདུ་བར་འགྱུར་རོ། །ཞེས་བདག་མཆི་སྟེ། ཞིག་གོ་འཚལ་ནི། སླར་སྐྱེའོ། །ཞེས་བདག་མཆིའོ། །བདག་ནི། སེམས་ཅན་རྣམས་ལ་རྣམ་པ་གཉིས་སུ་མི
317b6 རྟོག་སྟེ|་འདིར་གུམ་པ་རྣམས་གཞན་དུ་སྐྱེ་བ་སོ་སོར་ལེན་པར་འགྱུར་རོ། །ཞེས་བདག་མཆིའོ། །དེ་བས་ན། ཆོས་ཐམས་ཅད་ནི། མི་རྟག་གོ་།ཞེས་བདག་མཆི་སྟེ། འཇིག་རྟེན་འདི་ན་རྟག་པའི
317b7 ཆོས་ཅིའང་ཡང་དག་པར་མ་མཐོང་ངོ་། །གལ་ཏེ་དེ་ལྟར་གྱུར་ན་རྟག་པ་དང་། མི་རྟག་པའི་དོན་གཉིས་ཀ་མ་མཆིས་སོ། །ཞེས་བདག་མཆི་མོད་ཀྱི། བཅོམ་ལྡན་འདས་ཀྱི་ཞལ་ནས་ཤོ་བེ་བྱུང་ངོ་། །
iiif viewer powered by OpenSeadragon
