| e-texts navigator |
| Wylie |
308b1 དུས་ལ་བབ་པ་ནི། གནས་དམའ་བའི་ལས་ལ་འདོད་པའི་སེམས་མི་སྐྱེད་དེ། རྒྱ་ཆེན་པོའི་རྒྱལ་སྲིད་ཀྱི་གནས་ལ་སེམས་སོ། །དེ་བཞིན་དུ་ཏིང་ངེ་འཛིན་བསྟན་པ་འདི་བཤད་པ་ཐོས་ན་སྤོང་བར
308b2 མི་བྱེད་ཅིང་ཁ་ཏོན་དུ་བྱེད་པ་དག་ནི། ཆོས་ཀྱི་ཡོན་ཏན་ཐམས་ཅད་དང་ལྡན་ཞིང་བྱང་ཆུབ་ཆེན་པོར་དབང་བསྐུར་བའི་འོས་ཡིན་ཏེ། ཏིང་ངེ་འཛིན་འདི་ཐོས་ནས་ཏིང་ངེ་འཛིན་གྱི་མཆོག་འདི་ལས
308b3 གཞན་པ་གནས་དམའ་བ་ལ་འདོད་པའི་སེམས་མི་སྐྱེད་དེ། དེ་ནི། གནས་མེད་དོ། །ཏིང་ངེ་འཛིན་རྒྱ་ཆེན་པོའི་གནས་འདིའང་རྐྱེན་དུ་བབ་པ་ཡིན་ནོ། །སྤྲིན་ཆེན་སྙིང་པོ། གཞན་ཡང་དཔེར་ན།
308b4 གདོལ་བ་ཟོལ་བ་ནི། མཆོད་པ་ཆེན་པོས་དབང་བསྐུར་བའི་འོས་མ་ཡིན་ནོ། །དེ་བཞིན་དུ་གདོལ་བ་ཟོལ་བ་དང་འདྲ་བའི་སེམས་ཅན་དག་ཀྱང་ཏིང་ངེ་འཛིན་གྱི་རྒྱལ་པོ་འདིའི་དབང་བསྐུར་བའི་འོས་སུ
308b5 མི་འགྱུར་རོ། །དེ་ཅིའི་ཕྱིར་ཞེ་ན། ཏིང་ངེ་འཛིན་འདི་ལ་གནས་པའི་བྱང་ཆུབ་སེམས་དཔའ་རྣམས་ནི། སངས་རྒྱས་མང་པོ་ལ་བསྙེན་བཀུར་བྱས་པ་ཡིན་པར་རིག་པར་བྱ་བའི་ཕྱིར་རོ། །སྤྲིན་ཆེན་སྙིང་པོ།
308b6 གཞན་ཡང་ཏིང་ངེ་འཛིན་འདི་ལ་གནས་པའི་བྱང་ཆུབ་སེམས་དཔའི་ཡུལ་ལ་ལྟོས། ཏིང་ངེ་འཛིན་འདི་ལ་གནས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི། དེ་བཞིན་གཤེགས་པའི་ཡོན
308b7 ཏན་རྟག་པ་དང་། ཐེར་ཟུག་པ་དང་། བརྟན་པ་དང་། ཞི་བ་བསྟན་པར་བྱ་བའི་ཕྱིར་ཏིང་ངེ་འཛིན་འདི་མི་ཤེས་པའི་སེམས་ཅན་རྣམས་ལ་ཁོང་དུ་ཆུད་པར་བྱའོ་སྙམ་ནས་སེམས་ཅན་གང་དག་གང་ལ
iiif viewer powered by OpenSeadragon
