| e-texts navigator |
| Wylie |
308a1 མེད་དོ|་|སྤྲིན་ཆེན་སྙིང་པོ། ཏིང་ངེ་འཛིན་འདི་ལ་གནས་པའི་བྱང་ཆུབ་སེམས་དཔའ་ནི། བསམ་གྱིས་མི་ཁྱབ་པའི་ཡུལ་དང་། ཡོན་ཏན་ཐམས་ཅད་དང
308a2 ལྡན་པར་རིག་པར་བྱའོ། །གསོལ་པ། བཅོམ་ལྡན་འདས། ཅི་བགྱི་བ་མཐར་ཕྱིན་པ་དང་ལྡན་པ་ལགས་པར་རིག་པར་བགྱིའམ། བཀའ་སྩལ་པ། སྤྲིན་ཆེན་སྙིང་པོ། དེ་སྐད་མ
308a3 ཟེར་ཅིག་། འདི་ལ་གནས་པའི་བྱང་ཆུབ་སེམས་དཔའ་ནི། གང་གི་ཚེ་སེམས་ཅན་ཐམས་ཅད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས
308a4 པར་བྱས་པ་ན་བྱ་བ་མཐར་ཕྱིན་པར་འགྱུར་ཏེ། དེའི་ཚེ་འདི་ལ་གནས་པའི་བྱང་ཆུབ་སེམས་དཔའི་བྱ་བ་ཐམས་ཅད་མཐར་ཕྱིན་པར་འགྱུར་རོ། །གསོལ་པ། བཅོམ་ལྡན་འདས།
308a5 གང་དག་ཏིང་ངེ་འཛིན་འདིའི་ཡུལ་བཤད་པ་ཐོས་ནས་སྤོང་བར་མི་བགྱིད་པ་ནི། ཀྱེ་མ་ངོ་མཚར་ཏེ། སེམས་ཅན་དེ་དག་ནི། མྱ་ངན་དུ་བགྱི་མི་འཚལ་བ་ལགས་སོ། །བཀའ་སྩལ་པ།
308a6 སྤྲིན་ཆེན་སྙིང་པོ། དེ་དེ་བཞིན་ཏེ། མ་འོངས་པའི་དུས་ན་ཏིང་ངེ་འཛིན་བསྟན་པ་འདི་བཤད་པ་ན་གང་དག་སྤོང་བར་མི་བྱེད་པའི་སེམས་ཅན་ད་དག་ལ་ནི། མྱ་ངན་བྱ་མི་དགོས་སོ། །
308a7 འདི་ལྟ་སྟེ། དཔེར་ན། རྒྱལ་པོའི་བུ་རིགས་ཆེ་ཞིང་སྟོབས་དང་ལྡན་ལ་འཁོར་སྙིང་ཉེ་བ་དང་། ཚུལ་དུ་བསྲུང་བར་བྱ་བ་དང་། ཡོན་ཏན་དང་ལྡན་ཞིང་རྒྱལ་པོ་ཆེན་པོར་དབང་བསྐུར་བའི
iiif viewer powered by OpenSeadragon
