| e-texts navigator |
| Wylie |
307a1 ཁྲིམས་མི་སྲུང་ངོ་། །དེ་བཞིན་གཤེགས་པའི་མཆོད་པའི་གནས་བླ་ན་མེད་པའི་ཕྱིར་ཡང་ཚུལ་ཁྲིམས་མི་སྲུང་ངོ་། །དེ་བཞིན་གཤེགས་པའི་སྙིང་པོའི
307a2 ཕྱིར་ཡང་ཚུལ་ཁྲིམས་མི་སྲུང་གི་། སེམས་ཅན་ཐམས་ཅད་སྐྱེ་བ་དང་། རྒ་བ་དང་། ན་བ་དང་། འཆི་བ་དང་། མྱ་ངན་དང་། སྨྲེ་སྔགས་འདོན་པ་དང་། སྡུག་བསྔལ་བ་དང་། ཡིད་མི་བདེ
307a3 བ་དང་། འཁྲུག་པ་ལས་ཐར་བར་འདོད་པའི་ཕྱིར་ཚུལ་ཁྲིམས་སྲུང་ངོ་། །སེམས་ཅན་ཐམས་ཅད་ཀྱིས་བདེ་བ་ཐོབ་པར་འདོད་པའི་ཕྱིར་ཚུལ་ཁྲིམས་སྲུང་ངོ་། །སེམས་ཅན་ཐམས་ཅད
307a4 གྲུབ་པ་དང་བདེ་བར་འདོད་པའི་ཕྱིར་ཚུལ་ཁྲིམས་སྲུང་ངོ་། །སེམས་ཅན་ཐམས་ཅད་བྱང་ཆུབ་ཀྱི་ཡོན་ཏན་ལ་དགོད་པར་འདོད་པའི་ཕྱིར་ཚུལ་ཁྲིམས་སྲུང་ངོ་། །སེམས་ཅན་ཐམས་ཅད
307a5 སངས་རྒྱས་སུ་སྒྲུབ་པར་འདོད་པའི་ཕྱིར་ཚུལ་ཁྲིམས་སྲུང་ངོ་། །སེམས་ཅན་ཐམས་ཅད་ཆོས་ཀྱི་འཁོར་ལོ་བསྐོར་དུ་གཞུག་པར་འདོད་པའི་ཕྱིར་ཚུལ་ཁྲིམས་སྲུང་ངོ་། །སེམས་ཅན
307a6 ཐམས་ཅད་འཕགས་པའི་དགེ་འདུན་ཡོངས་སུ་སྡུད་དུ་གཞུག་པར་འདོད་པའི་ཕྱིར་ཚུལ་ཁྲིམས་སྲུང་ངོ་། །སེམས་ཅན་ཐམས་ཅད་སངས་རྒྱས་ཀྱི་གདུང་མི་འཆད་པར་བྱ་བར་འདོད་པའི
307a7 ཕྱིར་ཚུལ་ཁྲིམས་སྲུང་ངོ་། །སེམས་ཅན་ཐམས་ཅད་ལ་ཆོས་ཀྱི་རྒྱུན་མི་གཅད་པར་བྱ་བར་འདོད་པའི་ཕྱིར་ཚུལ་ཁྲིམས་སྲུང་ངོ་། །སེམས་ཅན་ཐམས་ཅད་ལ་དགེ་འདུན་གྱི་རིགས་བསྒྲུབ
iiif viewer powered by OpenSeadragon
