| e-texts navigator |
| Wylie |
304a1 ནམས་ཀྱི་རྒྱུན་ཇི་སྙེད་ཡོད་པ་རྣམས་ནི། ཏིང་ངེ་འཛིན་འདི་ལ་གནས་པའི་བྱང་ཆུབ་སེམས་དཔས་དེ་བཞིན་གཤེགས་པ་ནི། རྟག་པ་ཡིན་ནོ། །ཞེས་སེམས
304a2 གཅིག་བསྐྱེད་པའི་ནང་དུ་ཆུད་ཅིང་འདུས་སོ། །འདི་ལྟ་སྟེ། དཔེར་ན། སྟོན་གྱི་དུས་ན་སྤྲིན་མེད་པའི་ནམ་མཁའ་ལས་ཉི་མ་ཤར་ན་ནམ་མཁའ་ལ་དྲི་མར་གྱུར་ཅིང་སྒྲིབ་པའི་རང
304a3 བཞིན་ཇི་སྙེད་ཡོད་པ་དེ་དག་ཐམས་ཅད་ཟིལ་གྱིས་མནན་ནས་ལྷམ་མེ། ལྷན་ནེ། ལྷང་ངེར་འདུག་གོ་།སྤྲིན་ཆེན་སྙིང་པོ། དེ་བཞིན་དུ་ཟབ་མོ་བརྟན་པའི་ཆུའི་རྒྱ་མཚོའི་དུས
304a4 ཚོད་ཀྱི་ཏིང་ངེ་འཛིན་འདི་ལས་དེ་བཞིན་གཤེགས་པའི་རྟག་པ་དང་། ཐེར་ཟུག་པ་དང་། བརྟན་པ་དང་། ཞི་བ་དང་། བསྟན་པ་ནུབ་པར་མི་འགྱུར་བའི་འོད་ཟེར་མཐའ་ཡས་པ་དང
304a5 ལྡན་པའི་ཉི་མ་རྟག་པ་ཤར་བ་ན་ལྡེམ་པོ་ངག་གི་ནམ་མཁའ་ལ་ཇི་སྙེད་ཡོད་པ་ཐམས་ཅད་ཟིལ་གྱིས་མནན་ནས་ལྷམ་མེ། ལྷན་ནེ། ལྷང་ངེར་གསལ་བར་འགྱུར་རོ། །སྤྲིན
304a6 ཆེན་སྙིང་པོ། གཞན་ཡང་འདི་ན་མི་ལ་ལ་ཞིག་རླུང་གི་རྒྱལ་པོ་བཞིའི་མཐུ་ཅན། སྟོབས་དང་ལྡན་པ། ལྷའི་བུ་ལོ་བརྒྱ་ཐུབ་པ་ཞིག་བྱུང་ལ་མི་དེའང་ཉིན་པར་ལམ་དུ་ཞུགས་ཏེ།
304a7 འཇིག་རྟེན་གྱི་ཁམས་དུ་མར་སོང་ནས་ཕྱིར་རང་གི་གནས་སུ་ལྡོག་པར་བྱེད་ཅིང་ནུབ་མོའང་ལམ་དུ་ཞུགས་ནས་འཇིག་རྟེན་གྱི་ཁམས་དུ་མ་བསྐོར་ཏེ་ཕྱིར་རང་གི་གནས་སུ་ལྡོག
iiif viewer powered by OpenSeadragon
