| e-texts navigator |
| Wylie |
303b1 རྟག་པ་དང་། ཐེར་ཟུག་པ་དང་། བརྟན་པ་དང་། ཞི་བ་དང་། བསིལ་བའི་ཡོན་ཏན་ཡང་དག་པར་གཟུང་བར་བྱའོ། །གཞན་དག་ལའང་རྒྱས་པར་བསྟན་པར་བྱ་སྟེ། ཅི་ནས་བསྟན་པ་ནུབ་པར
303b2 མི་འགྱུར་བར་བརྩོན་པར་བྱའོ། །འདི་ལྟ་སྟེ། དཔེར་ན། འགྲོ་བ་སྲོག་ཆགས་འབྱུང་པོ་གང་ཅིའང་རུང་བ་རྣམས་ཀྱི་རྗེས་སུ་བྱུང་བ་དེ་དག་ཐམས་ཅད་ནི། གླང་པོ་ཆེའི་རྗེས་ཀྱི་ནང་དུ་འདུ
303b3 བར་འགྱུར་རོ། །དེ་བཞིན་དུ་མདོ་འདི་ལས་གཞན་པའི་ཏིང་ངེ་འཛིན་ཐམས་ཅད་དང་། བསོད་ནམས་བྱ་བའི་དངོས་པོ་ཐམས་ཅད་ཀྱང་ཏིང་ངེ་འཛིན་འདིའི་ནང་དུ་འདུ་བར་འགྱུར་བར་རིག
303b4 པར་བྱའོ། །སྤྲིན་ཆེན་སྙིང་པོ། གཞན་ཡང་འདི་ལྟ་སྟེ། དཔེར་ན། ལྷུན་པོ་ལ་སོགས་པའི་རིའི་རྒྱལ་པོ་རྣམས་དང་། གཞན་ཡང་རི་ནག་པོ་རྣམས་དང་། རྩཝ་དང་། ཤིང་གེལ་བ་དང་། སྨན
303b5 དང་། ཤིང་ཇི་སྙེད་ཡོད་པ་དང་། ཛམྦུའི་གླིང་དང་། གླིང་བཞི་དང་བཅས་པའི་འཇིག་རྟེན་གྱི་ཁམས་ཉི་མ་དང་ཟླ་བར་བཅས་པ་དེ་དག་ཐམས་ཅད་ནི། སྟོང་གསུམ་གྱི་སྟོང་ཆེན་པོའི་འཇིག
303b6 རྟེན་གྱི་ཁམས་འདིའི་ནང་དུ་འདུས་པར་བལྟ་བར་བྱའོ། །སྤྲིན་ཆེན་སྙིང་པོ། དེ་བཞིན་དུ་སོ་སོའི་སྐྱེ་བོའི་བསོད་ནམས་ཀྱི་རྒྱུན་ནམ། ཉན་ཐོས་ཀྱི་བསོད་ནམས་ཀྱི་རྒྱུན་ནམ། རང་སངས
303b7 རྒྱས་ཀྱི་བསོད་ནམས་ཀྱི་རྒྱུན་ནམ། བྱང་ཆུབ་སེམས་དཔའི་བསོད་ནམས་ཀྱི་རྒྱུན་ནམ། དེ་བཞིན་གཤེགས་པའི་བསོད་ནམས་ཀྱི་རྒྱུན་ནམ། མདོ་དང་ཏིང་ངེ་འཛིན་ཐམས་ཅད་ཀྱི་བསོད
iiif viewer powered by OpenSeadragon
