| e-texts navigator |
| Wylie |
294b1 ཏེ|་དམ་པའི་ཆོས་ཀྱང་འབྱིན་པར་འགྱུར། ཆོས་ཀྱི་འཁོར་ལོའང་བསྐོར་བར་འགྱུར། ཐེག་པ་ཆེན་པོའང་གཞན་དག་ལ་རྒྱས་པར་འཆད་པར་འགྱུར་རོ། །མདོ་སྡེ་འདི་ལྟ་བུ་དག་བཤད་པ
294b2 ཐོས་ནས་སྔོན་གྱི་ཡང་དག་པར་རྫོགས་པའི་སངས་རྒྱས་རྣམས་ལས་གང་དག་ཐོས་པ་དེ་དག་ཀྱང་ཕྱི་མའི་དུས་ཀྱི་ཚེ་འཛིན་པར་འགྱུར། ཀུན་ཆུབ་པར་བྱེད་པར་འགྱུར། འཆང་བར་འགྱུར། ཀློག
294b3 པར་འགྱུར། ཡིད་ཆེས་པར་འགྱུར་རོ། །སེམས་ཅན་གང་དག་དེ་བཞིན་གཤེགས་པའི་མཚན་འདི་དག་ཐོས་ན་ཡིད་མི་ཆེས་པ་དང་། མ་དད་པ་དང་། ཁ་ཏོན་མི་བྱེད་པ་དང་། མི་ཀློག་པ་དང་། མི
294b4 འདྲི་བ་དེ་དག་ནི། བདུད་ཀྱིས་བྱིན་གྱིས་བརླབས་པ་ཡིན་ནོ། །སེམས་ཅན་གང་དག་དེ་བཞིན་གཤེགས་པའི་མཚན་འདི་དག་ཐོས་ན། ཡིད་ཆེས་པར་བྱེད་ཅིང་དད་པར་འགྱུར་བ་དང་། ཁ་ཏོན་བྱེད་པ
294b5 དང་། ཀློག་པ་དང་། འདྲི་བ་དེ་དག་ནི། སངས་རྒྱས་མང་པོས་ཡོངས་སུ་བཟུང་བ་ཡིན་ནོ། །དེ་ནས་དེའི་ཚེ་ལྷའི་བུ་མཐོང་ན་དགའ་བ་དྲི་ཟའི་རྒྱལ་པོས་བཅོམ་ལྡན་འདས་ལ་བསྐོར་བ་བྱས་ཏེ་ལན་ས
294b6 ཡར་ཞབས་ལ་མགོ་བོས་ཕྱག་བཙལ་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། འོད་སྲུང་ཆེན་པོ་དང་འདྲ་བ་དེ་བཞིན་གཤེགས་པ་དང་མིང་མཐུན་པ། བྱམས་པ
294b7 ཆེན་པོ་ལ་གནས་པ། ཚུལ་ཁྲིམས་ཆེན་པོ་ལ་དྲག་ཏུ་བརྩོན་པ། ཤིན་ཏུ་མཆོག་ཏུ་མཛེས་པ། རིགས་ཆེན་པོར་སྐྱེས་པ། ཚུལ་ཁྲིམས་དང་ལྡན་པ་ཆེན་པོ་དགེ་སློང་གིས་ཡོངས་སུ་བསྐོར་བ། དུས
iiif viewer powered by OpenSeadragon
