| e-texts navigator |
| Wylie |
294a1 བཅོམ་ལྡན་འདས་ཀྱིས་བཀའ་སྩལ་པ། ལྷའི་བུ་དག། ལེགས་སོ་ལེགས་སོ། །ཁྱོད་ཀྱིས་རྐྱེན་དུ་བབ་པར་དམ་བཅས་ཤིང་སྨོན་ལམ་བཏབ་སྟེ། དགེ
294a2 སློང་འདོད་པའི་སྐྱེས་བུ་དམ་པ་དེ་ལ་ནི། ལྷ་རྣམས་ཀྱང་སྲུང་ངོ་། །ལྷ་རྣམས་ཀྱང་དེའི་བསྔགས་པ་བརྗོད་དོ། །དེ་བཞིན་གཤེགས་པའང་ངའི་ཉན་ཐོས་དཀའ་བ་བྱེད་པ་ཡིན་ནོ་སྙམ་དུ
294a3 དགོངས་ནས་བསྔགས་པ་བརྗོད་པར་མཛད་དོ། །བཅོམ་ལྡན་འདས་ཀྱིས་ཡང་ལྷའི་བུ་རྣམས་ལ་འདི་སྐད་ཅེས་བཀའ་སྩལ་ཏོ། །ལྷའི་བུ་དག། སེམས་ཅན་གྱི་དོན་འདོད་པའི་རིགས་ཀྱི
294a4 བུས་ནི། དམ་པའི་ཆོས་ཀུན་ཏུ་བསྲུང་བར་བྱའོ། །དེ་ནས་ལྷའི་བུ་མང་པོ་དག་གིས་བཅོམ་ལྡན་འདས་ལ་རིན་པོ་ཆེའི་གདུགས་ཀྱིས་མངོན་པར་བཀབ་ནས་འདི་སྐད་ཅེས་གསོལ་ཏོ། །
294a5 བཅོམ་ལྡན་འདས། ཡུན་ཇི་སྲིད་ཅིག་ན་དེ་བཞིན་གཤེགས་པའི་སྲས་འོད་སྲུང་ཆེན་པོ་དང་འདྲ་བའི་དགེ་སློང་འབྱུང་བར་འགྱུར་རོ། །གང་དུ་ནི། སྐྱེ་བར་འགྱུར། དེའི་མིང་ནི། ཇི་སྐད
294a6 ཅེས་བགྱི་བར་གཟུང་བར་འཚལ། བཅོམ་ལྡན་འདས་ཀྱིས་བཀའ་སྩལ་པ། ལྷའི་བུ་དག། ང་འདས་པའི་འོག་ལོ་བརྒྱ་ཕྲག་མང་པོ་འདས་པ་ན་ལྷོ་ཕྱོགས་ཀྱི་རྒྱུད་དུ་མཁར་གྱི་རྒྱལ་པོ་བརྒྱུད
294a7 པ་གསོ་བ་ཞེས་བྱ་བ་འབྱུང་བར་འགྱུར་ཏེ། དེའི་ཚེ་ལོ་བརྒྱད་ཅུ་ན་དམ་པའི་ཆོས་ནུབ་པར་འགྱུར་བའི་ལྷག་མ་ཙམ་དུ་ལུས་པའི་དུས་ལ་བབ་པ་དེའི་ཚེ་ངའི་ཉན་ཐོས་འབྱུང་བར་འགྱུར
iiif viewer powered by OpenSeadragon
