| e-texts navigator |
| Wylie |
292a1 སྟོན|་|བཅོམ་ལྡན་སངས་རྒྱས་བསམ་མི་ཁྱབ། །དེ་བཞིན་གཤེགས་པ་རྟག་པའི་སྐུ། །སེམས་ཅན་རྣམས་ལ་ཕན་པའི་ཕྱིར། །ཆོས་རྣམས་སྣ་ཚོགས་སྟོན
292a2 པ་མཛད། །མདོ་དང་། ཏིང་ངེ་འཛིན་དང་། ཆོས་ཀྱི་སྒོ་དང་། གསང་བ་ཞུ་བ་དང་། ཡོངས་སུ་མྱ་ངན་ལས་འདས་པ་གཏན་ལ་དབབ་པར་བསྟན་པ་ལས། དམ་པའི་ཆོས་ཀྱི་དཀྱིལ་འཁོར་གྱི
292a3 ཕུང་པོའི་ལེའུ་ཞེས་བྱ་སྟེ་སུམ་ཅུ་བདུན་པའོ། ། །།དེ་ནས་དེའི་ཚེ་ལྷོ་ཕྱོགས་ཀྱི་ཡུལ་འདབས་སྟང་ཟིལ་གྱི་རི་ལས་འོད་སྲུང་ཆེན་པོ་དང་ཐབས་ཅིག་ཏུ་འོངས་པའི་ལྷའི་བུ་རྣམས
292a4 ས་ཏེང་གི་བར་སྣང་ལ་ཏ་ལ་བདུན་སྲིད་ཙམ་དུ་འདོང་ནས་དེ་བཞིན་གཤེགས་པ་ལ་མེ་ཏོག་གི་སིལ་མའི་རིམ་པ་རི་རབ་ཙམ་དག་གཏོར་ནས་མིག་མཆི་མས་གང་སྟེ་དུ་བཞིན་དུ་ཚིག་འདི་སྐད་ཅེས
292a5 གསོལ་ཏོ། །ཀྱེ་མ་བཅོམ་ལྡན་འདས། དེ་བཞིན་གཤེགས་པ་ཐབས་ཀྱིས་ཡོངས་སུ་མྱ་ངན་ལས་འདས་པ་ཡོངས་སུ་མྱ་ངན་ལས་འདས་པ་ན་དེ་བཞིན་གཤེགས་པས་གསུངས་བའི་མདོ
292a6 འདི་ལྟ་བུ་འདི་དག་འཆང་བར་བགྱིད་པའི་སེམས་ཅན་དེ་དག་ཅི་འདྲ་བ་དག་ཅིག་འབྱུང་བར་འགྱུར། བཅོམ་ལྡན་འདས་ཀྱིས་བཀའ་སྩལ་པ། ལྷའི་བུ་དག་།ང་འདས་པའི་འོག་ཏུ་དགེ་བའི་རྩ
292a7 བ་བྱས་པ་རྣམས་དང་། སངས་རྒྱས་མང་པོ་ལ་བསྙེན་བཀུར་བྱས་པ་དེ་དག་མདོ་སྡེ་འདི་ལྟ་བུ་འདི་དག་འཆང་བར་འགྱུར་ཏེ། གཞན་དག་ལའང་རྒྱས་པར་སྟོན་པར་འགྱུར་རོ། །སྤྲིན་ཆེན
iiif viewer powered by OpenSeadragon
