| e-texts navigator |
| Wylie |
291a1 སྐུ་ནི|་ཆོས་ཀྱི་སྐུ་ཡིན་ནོ། །དེ་བཞིན་གཤེགས་པ་རྣམས་ཀྱི་སྐུ་ནི། རྡོ་རྗེ་མཁྲེགས་པ་ཡིན་ནོ། །དེ་བཞིན་གཤེགས་པ་རྣམས་ཀྱི་སྐུ་ནི། དགེ་བ་ཐམས
291a2 ཅད་དང་ལྡན་པ་ཡིན་ནོ། །གྲོགས་པོ། དེ་བཞིན་གཤེགས་པ་རྣམས་ཀྱི་སྐུ་ནི། ཐབས་ཀྱི་སྐུ་ཡིན་གྱི། ཤའི་སྐུ་མ་ཡིན་ནོ། །རིགས་ཀྱི་བུ། དེ་བཞིན་གཤེགས་པའི་སྐུ་དེ་འདྲ་བ
291a3 ལ་ཡོངས་སུ་མྱ་ངན་ལས་འདའ་བ་ག་ལ་ཡོད། མི་རྟག་པར་ཡང་ག་ལ་ཞིག་འགྱུར། སྨྲས་པ། བཙུན་པ་འོད་སྲུང་ཆེན་པོ། ཇི་ལྟར་ན། ཐབས་ཀྱིས་ཡོངས་སུ་མྱ་ངན་ལས
291a4 འདས་པར་བརྗོད་ཀྱི། གཏན་དུ་མྱ་ངན་ལས་འདས་པ་ནི། མ་ཡིན། སྨྲས་པ། མཐོང་ན་དགའ་བ་དྲི་ཟའི་རྒྱལ་པོ། ལེགས་སོ་ལེགས་སོ། །ཁྱོད་ཀྱིས་ཐབས་ཀྱིས་ཡོངས་སུ་མྱ་ངན
291a5 ལས་འདས་པར་བརྗོད་ཀྱི། གཏན་དུ་ཡོངས་སུ་མྱ་ངན་ལས་འདས་པ་ནི། མ་ཡིན་ཞེས་ཚིག་འདི་ལེགས་པར་སྨྲས་པ་ནི། མཐོང་ན་དགའ་བ་དྲི་ཟའི་རྒྱལ་པོ། ཁྱོད་ལེགས་སོ། །
291a6 མཐོང་ན་དགའ་བ་དྲི་ཟའི་རྒྱལ་པོ། གཞན་ཡང་ཐམས་ཅད་དང་ཐུན་མོང་པའི་ཚད་ནི། རྟོགས་པར་ནུས་ཀྱི། སངས་རྒྱས་ཀྱི་ཡོན་ཏན་གྱི་ཆེ་བ་ཉིད་ནི། གཅིག་གི་ཚད་ཀྱང་རྟོགས
291a7 པར་མི་ནུས་སོ། །སྨྲས་པ། བཙུན་པ་འོད་སྲུང་ཆེན་པོ། ཡུན་ཇི་སྲིད་ཅིག་ན་དེ་བཞིན་གཤེགས་པ་གཏན་དུ་ཡོངས་སུ་མྱ་ངན་ལས་འདས་པས་ཡོངས་སུ་མྱ་ངན་ལས་འདའ་བར
iiif viewer powered by OpenSeadragon
