| e-texts navigator |
| Wylie |
290b1 ཕྱག་འཚལ་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཀྱེ་མ་བཅོམ་ལྡན་འདས། ཚུལ་འདི་འདྲ་བའི་དེ་བཞིན་གཤེགས་པ་དེ་དག་དང་། ཚུལ་འདི་འདྲ་བའི་མདོ་རྣམས་དེ་བཞིན
290b2 གཤེགས་པ་འདས་པའི་འོག་ཏུ་སུ་དག་འཆང་བར་འགྱུར། སེམས་ཅན་ཇི་ལྟ་བུ་དག་འཆང་བར་འགྱུར། སེམས་ཅན་ཇི་ལྟ་བུ་དག་གིས་ནི། ནུབ་པར་བགྱིད་པར་འགྱུར། དེ་ནས་སངས
290b3 རྒྱས་ཀྱི་མཐུས་ཚེ་དང་ལྡན་པར་འོད་སྲུང་ཆེན་པོས་ལྷའི་བུ་མཐོང་ན་དགའ་བ་དྲི་ཟའི་རྒྱལ་པོ་ལ་འདི་སྐད་ཅེས་སྨྲས་སོ། །རིགས་ཀྱི་བུ། དེ་བཞིན་གཤེགས་པ་དགྲ་བཅོམ་པ་ཡང་དག་པར
290b4 རྫོགས་པའི་སངས་རྒྱས་རྣམས་ནི། ཡོངས་སུ་མྱ་ངན་ལས་འདའ་བ་མེད་དོ། །ཆོས་ཀྱང་ནུབ་པར་མི་འགྱུར་རོ། །དེ་ནས་ལྷའི་བུ་མཐོང་ན་དགའ་བ་དྲི་ཟའི་རྒྱལ་པོས་གནས་བརྟན་འོད་སྲུང
290b5 ཆེན་པོ་ལ་འདི་སྐད་ཅེས་སྨྲས་སོ། །བཙུན་པ་འོད་སྲུང་ཆེན་པོ། སེམས་ཅན་སེམས་འཁྲུལ་བ་རྣམས་ལ་ཕན་གདགས་པའི་ཕྱིར་ཤོད་ཅིག་།བཙུན་པ་འོད་སྲུང་ཆེན་པོ། སེམས་ཅན་ཐེ་ཚོམ
290b6 དུ་གྱུར་པ་རྣམས་ལ་ཤེས་པའི་སྒྲོན་མ་འབར་བར་གྱིས་ཤིག་། བཙུན་པ་འོད་སྲུང་། བདག་གིས་ཀྱང་མ་འོངས་པའི་དུས་ན་དེ་བཞིན་གཤེགས་པའི་ཡོན་ཏན་གྱི་ཆེ་བ་ཉིད་རྒྱས་པར
290b7 བགྱིའོ|་|དེ་སྐད་ཅེས་སྨྲས་ནས་གནས་བརྟན་འོད་སྲུང་ཆེན་པོས་ལྷའི་བུ་མཐོང་ན་དགའ་བ་དྲི་ཟའི་རྒྱལ་པོ་ལ་འདི་སྐད་ཅེས་སྨྲས་སོ། །གྲོགས་པོ། དེ་བཞིན་གཤེགས་པ་རྣམས་ཀྱི
iiif viewer powered by OpenSeadragon
