| e-texts navigator |
| Wylie |
286b1 པར་འབྱོར་ཅིང་རྒྱས་ལ། བུད་མེད་ཀྱི་གཟུགས་ཀྱིས་རྒྱལ་སྲིད་མངོན་པར་སྤྱོད་དེ། མུ་སྟེགས་ཅན་དམ་པའི་ཚོགས་ཐམས་ཅད་མངོན་པར་འདུལ་ཞིང་དམ་པའི་ཆོས་ཀྱི་སྒྲོན་མ་རབ་ཏུ་འབར་བར
286b2 བྱེད་ལ་བཅོམ་ལྡན་འདས་ཀྱི་བསྟན་པ་ལ་མཆོད་པ་བྱེད་དོ། ཆོས་ཀྱི་སྒྲ་ཆེན་པོས་བསྒྲགས་ནས་བྱང་ཆུབ་སེམས་དཔའི་སྤྱོད་པས་རང་གི་རྒྱལ་སྲིད་ཡང་དག་པར་སྲུང་ཞིང་ཡོངས་སུ་སྐྱོང་བར་བྱེད
286b3 ལ་འཇིག་རྟེན་དང་མཐུན་པར་བྱ་བ་སྤྱོད་པར་འགྱུར་ཏེ། ལྷ་མོ། རྒྱལ་པོ་བརྩོན་འགྲུས་ཆེན་པོའི་ཀླུའི་གཟི་བརྗིད་ཀྱི་མཐུས་ཁྱོད་བསམ་གྱིས་མི་ཁྱབ་པ་ལ་མངོན་པར་རྩེ་བར་གྱུར་པ་ཡིན་གྱི། ལྷ
286b4 མོ|་ཆོས་ཀྱི་རྒྱལ་པོ་བརྩོན་འགྲུས་ཆེན་པོའི་ཀླུ་ལ་རྗེས་སུ་ཡི་རང་བར་གྱིས་ཤིག་། རྒྱལ་པོ་བརྩོན་འགྲུས་ཆེན་པོའི་ཀླུ་དེ་ནི། ངའི་ཉན་ཐོས་ཀྱི་མཆོག་ལི་ཙ་བཱི་གཞོན་ནུ་འཇིག་རྟེན་ཐམས
286b5 ཅད་ཀྱིས་མཐོང་ན་དགའ་བ་འདི་ཡིན་ནོ། །ལྷ་མོས་གསོལ་པ། སེམས་ཅན་ཐམས་ཅད་ལ་སྨན་པའི་སླད་དུ་སྐྱེས་བུ་ཆེན་པོ་མིང་ཆེན་ལུང་བསྟན་པ་བཅོམ་ལྡན་འདས་ཀྱིས་བཤད་དུ
286b6 གསོལ། །བཅོམ་ལྡན་འདས་ཀྱིས་བཀའ་སྩལ་པ། ལྷ་མོ། མིང་ཆེན་ལུང་བསྟན་པ་ཉོན་ལ་ཇི་སྲིད་འཚོའི་བར་དུ་བསྙེན་བཀུར་གྱིས་ཤིག་དང་། ཁྱོད་ཀྱིས་མིང་ཆེན་གྱི་ཆོ་འཕྲུལ་དང་། ཡོན
286b7 ཏན་ཆེན་པོ་མངོན་དུ་འཐོབ་པར་འགྱུར་རོ། །ལྷ་མོ། མིང་ཆེན་ནི། སངས་རྒྱས་དང་འདྲའོ། །ལྷ་མོ། མིང་ཆེན་ནི། སངས་རྒྱས་ཀྱི་སྐུའི་ཕྱེད་དང་འདྲའོ། །ལྷ་མོས་གསོལ་པ། བཅོམ་ལྡན
iiif viewer powered by OpenSeadragon
