| e-texts navigator |
| Wylie |
277b1 གཞན་ཡང་འདིར་མི་ལ་ལ་ཞིག་གིས་སྲོག་གཅོད་པ་བྱས་ནས་ལོ་བརྒྱ་ཕྲག་མང་པོར་སེམས་ཅན་དམྱལ་བར་སྲེག་པར་འགྱུར་ལ། བསོད་ནམས་བྱས་ན་ལོ་བྱེ་བ་སྙེད་དུ་མཐོ་རིས་སུ་མངོན་པར
277b2 རྩེ་བར་འགྱུར་བས་ན། བྲམ་ཟེ་ཆེན་པོ། དེ་བཞིན་གཤེགས་པ་ནི། ཡོན་ཏན་བསམ་གྱིས་མི་ཁྱབ་པ་དང་ལྡན་ཞིང་བག་ཆགས་ཀྱི་ཚོགས་ཀྱིས་བསྒོས་པ་ཡིན་པས། གལ་ཏེ་དེ་བཞིན་གཤེགས
277b3 པ་ལ་ལྷ་སྦྱིན་གྱིས་དགྲོངས་པར་བསམ་དུ་ཟིན་ན། དེ་ལྟར་སེམས་གཅིག་བསྐྱེད་པ་ཙམ་གྱི་ལས་ཀྱི་འབྲས་བུ་དེས་ལོ་བྱེ་བ་ཕྲག་གྲངས་མེད། དཔག་ཏུ་མེད་པ། བགྲང་པ་ལས་ཤིན་ཏུ་འདས་པ
277b4 སྲིད་དུ་སེམས་ཅན་དམྱལ་བར་ཤིན་ཏུ་སྲེག་པར་འགྱུར་བའི་རིགས་ན། བྲམ་ཟེ་ཆེན་པོ། དེ་བཞིན་གཤེགས་པ་ནི། བསྐལ་པ་བརྒྱ་སྟོང་ཕྲག་བྱེ་བ་གྲངས་མེད་པ་མང་པོ་ཡུན་རིང་པོ་ནས་དགྲ
277b5 ལས་འདས་པ་ཡིན་ལ། དེ་བཞིན་གཤེགས་པ་དང་། ལྷ་སྦྱིན་སེམས་ཅན་དམྱལ་བ་ན་བསྲེགས་པ་གཉིས་ཀྱང་ཕྲད་པར་ག་ལ་འགྱུར་ཏེ། དེ་ནི། གནས་མེད་དོ། །བྲམ་ཟེ་ཆེན་པོ། གཞན་ཡང་གལ
277b6 ཏེ་ལྷ་སྦྱིན་སྡིག་པས་འཚོ་བ་ཞིག་ཡིན་དུ་ཟིན་ན། སྐྱེས་པའི་རབས་བརྒྱ་སྟོང་དུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དང་། ལྷ་སྦྱིན་ལྷན་ཅིག་ཏུ་ཕྲད་ཅིང་འགྲོགས
277b7 པར་ཡང་ཇི་ལྟར་འགྱུར་ཏེ། དེ་ནི། གནས་མེད་དོ། །དེ་ཅིའི་ཕྱིར་ཞེ་ན། ཇི་ཙམ་དུ་ལྷ་སྦྱིན་བཅོམ་ལྡན་འདས་དགྲོངས་པར་སེམས་པ་དེ་ཙམ་དུ་སེམས་ཅན་དམྱལ་བར་ངེས་པར་སྲེག་པར་འགྱུར་བས
iiif viewer powered by OpenSeadragon
