| e-texts navigator |
| Wylie |
276b1 དང་ལྡན་པ་ཡིན་ནོ། །དེ་བཞིན་གཤེགས་པ་ནི། སེངྒེའི་རིགས་ཀྱི་རྒྱལ་པོ་ཆེན་པོ་དང་། སྟག་ལྟ་བུའི་འཁོར་དང་ལྡན་པ་ཡིན་ནོ། །དེ་བཞིན་གཤེགས་པ་ནི། ཉན་ཐོས་དང་། རང་སངས
276b2 རྒྱས་ཐམས་ཅད་ཀྱི་ཡུལ་བསམ་གྱིས་མི་ཁྱབ་པའི་འཁོར་དང་ལྡན་པ་ཡིན་ནོ། །དེ་བཞིན་གཤེགས་པའི་འཁོར་ནི། མེ་མ་དག་ཐལ་བས་གཡོགས་པ་ལྟ་བུར་བལྟའོ། །དེ་བཞིན་གཤེགས
276b3 པ་ནི|་བླ་ན་མེད་པའོ། །དེ་བཞིན་གཤེགས་པ་ནི། ཐམས་ཅད་མཁྱེན་པའོ། །དེ་བཞིན་གཤེགས་པ་ནི། ཐམས་ཅད་མཁྱེན་པ་ཉིད་དོ། །དེ་བཞིན་གཤེགས་པ་ལས་རབ་ཏུ་བྱུང་བའི
276b4 སེམས་ཅན་རྣམས་ལ་ནི|་ཚུལ་ཁྲིམས་འཆལ་པ་མི་སྲིད་དེ། དེ་དག་ཐམས་ཅད་ནི། ཡུལ་ཟབ་མོ་ཤེས་པ་ཐམས་ཅད་ལ་རབ་ཏུ་འགོད་པ་ཤ་སྟག་སྟེ། དེའི་ཕྱིར་ཡང་དེ་བཞིན་གཤེགས
276b5 པ་ནི|་ཐམས་ཅད་མཁྱེན་པ་ཉིད་དོ། །བྲམ་ཟེ་ཆེན་པོ། དགེ་འདུན་ནི། བདུད་བྱེ་བ་ཕྲག་བརྒྱ་སྟོང་གིས་ཀྱང་དབྱེ་བར་མི་ནུས་ཏེ། འདི་ནི། ཐབས་ཡིན་པར་བལྟ་བར་བྱའོ། །ལྷ་སྦྱིན་དྲུག་སྡེ་དང
276b6 བཅས་པ་ནི། དགེ་འདུན་གྱི་དབྱེན་བྱེད་པའང་མ་ཡིན་ནོ། །ལྷ་སྦྱིན་དྲུག་སྡེ་དང་བཅས་པ་ནི། ཤཱཀྱའི་རིགས་སྟོན་པ་ཡིན་ནོ། །སྐྱེ་བོ་ཕལ་པ་ཡང་དུད་འགྲོར་སྐྱེ་བར་འགྱུར་བ་ཡོངས་སུ་མི
276b7 སྤྱོད་ན། ཤཱཀྱའི་རིགས་སུ་སྐྱེས་ལ། དེ་བཞིན་གཤེགས་པའི་ཞབས་ཀྱི་དྲུང་ནས་རབ་ཏུ་བྱུང་བ་འདི་ལྟ་བུའི་ལས་ལ་སྦྱོར་བ་ལྟ་ཅི་སྨོས་ཏེ། དེ་ནི། གནས་མེད་དོ། །ལྷ་སྦྱིན་དྲུག་སྡེ་དང
iiif viewer powered by OpenSeadragon
