| e-texts navigator |
| Wylie |
275b1 སོ|་|ལྷ་སྦྱིན་གྱི་འཁོར་ནི། ཐམས་ཅད་དུར་སྨྲིག་འཆང་བ་ཙམ་དུ་བས་སོ། །ལྷ་སྦྱིན་གྱི་འཁོར་ནི། འཚོ་བ་ངན་པས་འཚོ་ཞིང་མུ་གེའི་མགོ་བྱི་ལགས་སོ། །བཅོམ་ལྡན་འདས། ཁྱོད་ནི། ཐམས
275b2 ཅད་མཁྱེན་པ་ལགས་ཞེས་གདའ། ཁྱོད་ནི། འབྲས་བུ་མཆིས་པའི་ཆོས་སྟོན་པ་ལགས་ཞེས་གདའ། ཁྱོད་ནི། རིགས་རྣམ་པར་དག་པར་གྲགས་པ་ལགས་ཞེས་གདའ་ན། ལྷ་སྦྱིན་མ
275b3 རུངས་པ་འདི་ལྟ་བུའང་རབ་ཏུ་བྱུང་ལགས་སམ། བཅོམ་ལྡན་འདས། སེམས་ཅན་ཐམས་ཅད་ལ་ཐུགས་བརྩེ་བ་ཅན་གྱིས་སེམས་ཅན་ཐམས་ཅད་ཀྱི་ཡིད་གཉིས་དང་། ཐེ་ཚོམ་རྣམ་པར
275b4 བསལ་བའི་སླད་དུ་དགོངས་པ་བཤད་དུ་གསོལ། ཁྱོད་ནི། རིགས་དྲི་མ་མ་མཆིས་ཤིང་རྣམ་པར་དག་པ་ལགས་ན། བཅོམ་ལྡན་འདས། དེ་བཞིན་གཤེགས་པས་བདག་ཉིད་ཆེན་པོ
275b5 བཤད་དུ་གསོལ། དེ་ནས་དེའི་ཚེ་སངས་རྒྱས་ཀྱི་མཐུས་སྤྲིན་ཆེན་སྙིང་པོས་སློབ་དཔོན་ལུང་སྟོན་པ་བྲམ་ཟེ་ཀཽཎྚི་ནྱ་ལ་འདི་སྐད་ཅེས་སྨྲས་སོ། །བྲམ་ཟེ་ཆེན་པོ། ལེགས་སོ་ལེགས
275b6 སོ|་|བྲམ་ཟེ་ཆེན་པོ། ཁྱོད་ཀྱིས་སེམས་ཅན་ཐམས་ཅད་ལ་ཕན་པའི་ཕྱིར་དེ་བཞིན་གཤེགས་པ་ལ་ཉན་ཐོས་དང་། རང་སངས་རྒྱས་ཐམས་ཅད་ཀྱི་ཡུལ་གྱི་ཞུ་བའི་རྒྱལ་པོ་ལེགས་པར
275b7 ཞུས་པ་ནི། ལེགས་སོ། །བྲམ་ཟེ་ཆེན་པོ། ཁོ་བོ་ལས་ཉོན་ཅིག་དང་། དེ་བཞིན་གཤེགས་པའི་མཐུ་དང་། ཁོ་བོ་ཅག་གི་ཡུལ་ལ་འཇུག་པའི་ཚུལ་གྱིས་ཁོ་བོས་བཤད་པར་བྱའོ། །བྲམ
iiif viewer powered by OpenSeadragon
