| e-texts navigator |
| Wylie |
273b1 སུ་སྨིན་པར་བྱ་བའི་ཕྱིར་བྲན་ཕོ་དང་། བྲན་མོ་དང་། གཞན་གྱིས་བཀོལ་བར་ཡང་འགྲོའོ། །སེམས་ཅན་ཡོངས་སུ་སྨིན་པར་བྱ་བའི་ཕྱིར་ནད་པ་དང་། རྒས་པ་དང་། ཤི་བ་ལྟ་བུར་བདག་ཉིད་སྣ
273b2 ཚོགས་སུའང་སྟོན་ཏོ། །སེམས་ཅན་ཡོངས་སུ་སྨིན་པར་བྱ་བའི་ཕྱིར་རིན་པོ་ཆེ་དང་། ནོར་བུ་ཐམས་ཅད་ཀྱི་སྣོད་ལྟ་བུར་ཡང་འགྱུར་རོ། །རིག་བྱེད་ཀྱིས་ཚོགས་པར་འཛིན་པའི་སེམས་ཅན
273b3 རྣམས་ལ་སྐྱོན་ཡང་དག་པར་བསྟན་པར་བྱ་བའི་ཕྱིར་གསང་ཚིག་དང་རིག་བྱེད་ཐམས་ཅད་ལ་མཁས་པར་ཡང་བྱེད་དོ། །བྱ་སྐད་ཀྱི་བརྡ་ཐམས་ཅད་ལ་ཞེན་པའི་སེམས་ཅན་རྣམས་ཀྱི་ལྟ
273b4 བ་གཅད་པའི་ཕྱིར་བྱ་སྐད་ཀྱི་བརྡ་ཐམས་ཅད་ཀྱང་སྟོན་པར་བྱེད་དོ། །སྨན་གྱི་སྡེ་ཚན་དང་། རྩི་དང་ལྡན་པར་རྣམ་པར་འཕྲུལ་པའི་ཕྱིར་ཤིང་ལྗོན་པ་དང་། འཁྲི་ཤིང་དང་། འབྲས་བུ་དང་།
273b5 མེ་ཏོག་དང་། སྨན་ནོ་ཅོག་ལྟ་བུར་ཡང་བདག་ཉིད་བྱིན་གྱིས་རློབ་པར་བྱེད་དོ། །འཚོ་ན་མ་ཐམས་ཅད་ལའང་བརྩོན་ལ་ཆགས་པ་དང་ལོངས་སྤྱོད་ལ་མངོན་པར་ཞེན་པའང་མེད་དོ། །ཐེག
273b6 པ་དམན་པ་རྣམ་པར་གཅད་པའི་ཕྱིར་བསྒྲགས་པའི་ཆོས་ཀྱི་འབེལ་བའི་གཏམ་ཐམས་ཅད་ཀྱང་ལེགས་པར་སྟོན་པར་བྱེད་དོ། །སེམས་ཅན་ཐམས་ཅད་བསྲུང་བ་དང་། ཡོངས་སུ་བསྐྱང
273b7 བའི་ཕྱིར་རྒྱལ་པོའི་བྱ་བ་ལའང་འཇུག་པར་བྱེད་དོ། །ཚོང་དཔོན་གྱི་ཆོས་ལུགས་ཀྱིས་དགའ་བར་བྱ་བའི་ཕྱིར་ཚོང་དཔོན་གྱི་ནང་དུའང་ཚོང་དཔོན་དུ་བཀུར་བར་འགྱུར་རོ། །ཁྱིམ་གྱི་སྐྱོན་ཐམས་ཅད
iiif viewer powered by OpenSeadragon
