| e-texts navigator |
| Wylie |
272b1 བསྟན་པའི་ཕྱིར་ལས་ཆེན་པོ་བཅུ་དྲུག་བྱེད་པའི་རིགས་རྣམས་སུ་སྐྱེས་ནས་ལས་ཆེན་པོ་བཅུ་དྲུག་བྱེད་པ་ལྟ་བུར་ཡང་སྣང་སྟེ། ལས་ལ་ཆགས་པར་ཡང་མི་འགྱུར་རོ། །སེམས་ཅན་ཡོངས་སུ
272b2 སྨིན་པར་བྱ་བའི་ཕྱིར་རྒྱན་པོ་དང་རྩེད་མོ་ལ་ཡང་མཁས་སོ། །སེམས་ཅན་དབུལ་པོ་ལོངས་སྤྱོད་མི་ཟད་པས་བསྡུ་བ་དང་། ཚུལ་ཁྲིམས་ཡོངས་སུ་དག་པར་བྱ་བའི་ཕྱིར་ཁྱིམ་ན་གནས་པའི
272b3 རྒྱལ་པོར་ཡང་འགྱུར་རོ། །ཆུང་མ་དང་། བུ་དང་འདྲ་བའང་མེད་པར་བུ་སྨད་ཀྱང་སྟོན་པ་ལ་རྟག་ཏུ་ཚངས་པར་སྤྱོད་པ་དང་ཡང་ལྡན་ཞིང་རྟག་ཏུ་དབེན་པ་ནའང་གནས་ཏེ་རྒྱན་གྱིས་ཀླུབས་ལ་མཚོན
272b4 ཀྱང་ཡོངས་སུ་གཅོད་དོ། །དེ་ནས་ཁ་ཟས་ཀྱང་ཟ་ལ་རྟག་ཏུ་བསམ་གཏན་གྱི་ཟས་ཀྱིས་ཀྱང་འཚོའི། །ཡ་མཚན་ཅན་དེ་དག་གི་ང་རྒྱལ་དང་། རྒྱགས་པ་དང་། དྲེགས་པ་གཞོམ་པའི་ཕྱིར་ཡ
272b5 མཚན་ཅན་ཐམས་ཅད་ཀྱི་ནང་དུའང་རབ་ཏུ་འབྱུང་སྟེ། ཐམས་ཅད་དུ་མཁན་པོའི་ཐབས་སུ་བཀུར་ཞིང་ལྟས་སུ་ལྟ་བ་ཐམས་ཅད་ངེས་པར་བསྒྲལ་བའི་ཕྱིར་བསམ་པ་ཚུལ་གྱིས་རྟོགས་པར་འགྱུར
272b6 ལ|་ལྟ་བ་ལ་གནས་པར་ཡང་མི་འགྱུར་རོ། །དུད་འགྲོ་རྣམས་ངེས་པར་བསྒྲལ་བའི་ཕྱིར་དུད་འགྲོའི་སྐྱེ་གནས་ཐམས་ཅད་དུའང་སྐྱེ་བར་འགྱུར་ཏེ། ཐམས་ཅད་དུའང་མཆོག་ཏུ་བཀུར་བར་འགྱུར
272b7 རོ|་|སྨད་ཚོང་མའི་གནས་ཀུན་དུའང་སྣང་སྟེ། ཐམས་ཅད་དུའང་བཀུར་ལ། སྨད་ཚོང་མའི་གནས་ཐམས་ཅད་དུ་གཡོན་ཅན་གྱི་མཆོག་ཏུ་འགྱུར་རོ། །འདུལ་བའི་སེམས་ཅན་ལ་ཕན་པར
iiif viewer powered by OpenSeadragon
