| e-texts navigator |
| Wylie |
271a1 འ་ཨོངས་པའི་སེམས་ཅན་བསོད་ནམས་ཆུང་དུ་རྣམས་ཀྱི་ཕྱིར་དེ་བཞིན་གཤེགས་པའི་ཡུལ་དེ་བཞིན་གཤེགས་པ་ལ་ལེགས་པར་ཞུས་པའི་སྤྲིན་ཆེན་པོའི་མདོའི
271a2 ཆར་རྟག་ཏུ་རབ་ཏུ་ཕོབས་ཤིག་། སྤྲིན་ཆེན་སྙིང་པོ། སྤྲིན་ཆེན་པོའི་མདོའི་ཡུལ་ལ་ལྟོས། གྲོང་དང་། གྲོང་ཁྱེར་དང་། ཡུལ་འཁོར་དང་། རྒྱལ་པོའི་ཕོ་བྲང་གང་དག་ཏུ་སྤྲིན་ཆེན་པོའི་མདོ་འདི
271a3 དགེ་སློང་ངམ། དགེ་སློང་མའམ། དགེ་བསྙེན་ནམ། དགེ་བསྙེན་མས་རྒྱས་པར་རབ་ཏུ་སྤྱོད་དམ། འཆང་ངམ། སྟོན་པར་བྱེད་པ་དེ་དང་དེར་སྤྲིན་ཆེན་པོའི་ཚོགས་རྣམས་ནམ་མཁའ་ལ་འབྲུག
271a4 སྒྲ་འབྱིན་ཅིང་དི་རི་རི་སྒྲོག་ལ། དུས་མ་ཡིན་པར་ཡང་ཆར་འབེབས་པར་འགྱུར་རོ། །ས་ཕྱོགས་ཀྱང་རྡོ་རྗེའི་རང་བཞིན་དུ་འགྱུར་རོ། །སེམས་ཅན་དེ་དག་རྡོ་རྗེའི་རང་བཞིན་དུ་འགྱུར་རོ། །སྤྲིན
271a5 ཆེན་པོའི་མདོ་འདི་ལས་ཡི་གེའི་ཚིག་གསུམ་མམ། བདུན་ཐོས་པར་གྱུར་པ་གང་ཡིན་པའི་སེམས་ཅན་དེ་དག་ལ་སངས་རྒྱས་ཐམས་ཅད་རྗེས་སུ་ཡི་རང་བར་འགྱུར་ན། རྒྱས་པར་རྣམ
271a6 པར་འབྱེད་པ་ལྟ་ཅི་སྨོས། སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་ཟབ་མོ་བརྟན་པའི་ཆུའི་རྒྱ་མཚོའི་དུས་ཚོད་ཅེས་བྱ་བའི་ཏིང་ངེ་འཛིན་ཡོད་དེ། ཏིང་ངེ་འཛིན་དེ་རྟོགས་པའི་བྱང་ཆུབ
271a7 སེམས་དཔའ་སེམས་དཔའ་ཆེན་པོ་རྣམས་ནི། རྟག་ཏུ་དེ་བཞིན་གཤེགས་པའི་ཡོན་ཏན་ཐོབ་པར་འགྱུར་རོ། །ཐོས་པ་གསོག་པར་ཡང་འགྱུར་རོ། །དེ་བཞིན་གཤེགས་པའི་ཆོས
iiif viewer powered by OpenSeadragon
