| e-texts navigator |
| Wylie |
270b1 དུ་མེད|་|འཇིག་རྟེན་ཁམས་ནའང་བསམ་མི་ཁྱབ། །དཔེར་ན། སྨན་པ་བྱུང་གྱུར་ཅིང་། །མཁས་པ་ཞིག་གིས་ནད་རྟོགས་ནས། །ནད་པའི་ཉམས་ལས་དཔག་བྱས་ཏེ། །ཆོ་ག་རིམ་བཞིན་སྟོན་པ་དང་། །
270b2 དཔེར་ན་བུད་མེད་མཁས་མ་ཡིན། །རང་གི་བུ་ཡི་ཉམས་རིག་ནས། །སོར་མོའི་རྩེ་མོར་མར་བྱུགས་ཏེ། །ཇི་རན་ལྡག་ཏུ་བདག་པ་ལྟར། །དེ་བཞིན་བཅོམ་ལྡན་སངས་རྒྱས་ཀྱང་། །འདུལ་བའི
270b3 ཉམས་དྲོད་མཁྱེན་ནས་ནི། །སེམས་ཅན་རྣམས་ཀྱིས་བཟོད་པ་ཡི། །མདོ་སྡེའི་ཚིག་དོན་སྟོན་པར་མཛད། །དེ་ནས་དེའི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་སྤྲིན་ཆེན་སྙིང་པོས
270b4 བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། དེ་བཞིན་གཤེགས་པ་རྣམས་ཀྱི་བསམ་གྱིས་མི་ཁྱབ་པའི་ཡང་བསམ་གྱིས་མི་ཁྱབ་པའི་ཡུལ་སྤྲིན་ཆེན་པོའི་མདོ།
270b5 སེམས་ཅན་ཐམས་ཅད་ལ་སྙིང་བརྩེ་བར་བགྱིད་པ་ལེགས་པར་གཟིགས་ནས་དེ་བཞིན་གཤེགས་པས་བཤད་པ་ནི། ཨ་ལ་ལ་ངོ་མཚར་ཏོ། །བཅོམ་ལྡན་འདས། ཏིང་ངེ་འཛིན་གྱི་སྒོ་བཞི
270b6 བརྒྱའང་བཅོམ་ལྡན་འདས་དེ་བཞིན་གཤེགས་པས་རྒྱས་པར་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། སྤྲིན་ཆེན་སྙིང་པོ། ལེགས་སོ་ལེགས་སོ། །སྤྲིན་ཆེན་སྙིང་པོ། ཁྱོད
270b7 ལེགས་ཀྱི། གནོད་སེམས་ཀྱི་སེམས་དང་ལྡན་པ་རྣམས་བཟོད་པ་ཐོབ་པར་བྱ་བའི་དོན་དང་། ལེ་ལོ་ཅན་དང་དྲན་པ་ཉམས་པ་རྣམས་བརྩོན་འགྲུས་དང་། བསམ་གཏན་ཐོབ་པར་བྱ་བའི་དོན་དང་། མ
iiif viewer powered by OpenSeadragon
