| e-texts navigator |
| Wylie |
261a1 དག་ནི|་མཚམས་སྦྱར་བ་ཚོགས་པའི་རྣམ་པ་འཇིག་རྟེན་དང་མཐུན་པར་འཇུག་པར་བྱ་བ་ལ་འཇུག་པའི་མདོ་ཞེས་བྱ་བའི་ཆོས་ཀྱི་སྒོ་ཡིན་ནོ། །དེ་ནས་དེའི
261a2 ཚེ་ལྷའི་བུ་སྤྲིན་ཅེས་བྱ་བས་བཅོམ་ལྡན་འདས་ལ་མཆོད་པ་བྱས་ནས་ཚིགས་སུ་བཅད་པ་འདི་སྨྲས་སོ། །ཀྱེ་མ་འོག་མའི་གནས་གཤེགས་པ། །བཅོམ་ལྡན་དཀའ་བ་མཛད་པ་ལགས། །
261a3 ཉིད་ཀྱི་སྲས་ལ་སྨན་སླད་དུ། །ཐབས་ཀྱིས་སྐུ་ལ་གནས་ནས་ཀྱང་། །ཡོངས་སུ་མྱ་ངན་འདའ་བར་མཛད། །མཚམས་སྦྱར་བ་ཚོགས་པའི་རྣམ་པ་འཇིག་རྟེན་དང་མཐུན་པར་འཇུག
261a4 པར་བྱ་བ་ལ་འཇུག་པའི་མདོའི་གླེང་གཞིའི་ལེའུ་ཞེས་བྱ་སྟེ། ཉི་ཤུ་གཉིས་པའོ།། །།འཕགས་པའི་སྤྲིན་ཆེན་པོའི་མདོ། བམ་པོ་དྲུག་པ། སྤྲིན་ཆེན་སྙིང་པོས་གསོལ
261a5 པ|་མངོན་པར་རྩེ་བའི་རིན་པོ་ཆེའི་མཛོད་ལ་འཇུག་པ་ཞེས་བགྱི་བའི་ཆོས་ཀྱི་སྒོ་བཅུ་བཅོམ་ལྡན་འདས་ཀྱིས་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། ཉི་མ་འཆར
261a6 ཀའི་གཙུག་ཕུད་ཅེས་བྱ་བའི་ཆོས་ཀྱི་སྒོ་དང་། སྙིང་པོ་ལྔ་བ་ལ་རྒྱ་ཆེར་རྩེ་བར་མངོན་པར་རྒྱགས་པ་ཞེས་བྱ་བའི་ཆོས་ཀྱི་སྒོ་དང་། ཡོན་ཏན་རིན་པོ་ཆེའི་མཛོད་མངོན་དུ་འབྱུང་བ་ཞེས་བྱ་བའི
261a7 ཆོས་ཀྱི་སྒོ་དང་། ཚུལ་གྱི་མཚམས་བཟང་པོས་མངོན་པར་རྩེ་བ་ལ་འཇུག་པ་ཞེས་བྱ་བའི་ཆོས་ཀྱི་སྒོ་དང་། ཆུའི་དུས་ལ་ཞུགས་པའི་སྟོབས་མི་འཇིག་པར་བྱ་བ་ལ་འཇུག་པ་ཞེས་བྱ་བའི་ཆོས་ཀྱི
iiif viewer powered by OpenSeadragon
