| e-texts navigator |
| Wylie |
257b1 མའི་དེད་དཔོན་ཐོབ་པའི་རྒྱལ་པོ་ཞེས་བྱ་བ་དང་། ཆོས་ཀྱི་ཕྱོགས་ཀྱི་མཚོན་ཆའི་མཆོག་ཅེས་བྱ་བ་དང་། ཐོག་ཏོག་ཟབ་མོའི་དུས་ཞེས་བྱ་བ་སྟེ། བཅུ་པོ་དེ་དག་ནི། ཆོས་ཀྱི་ཐོག་ཏོག་གི་འབེལ་བའི
257b2 གཏམ་ལ་འཇུག་པའི་རྣམ་པར་འཕྲུལ་པའི་རྒྱལ་པོ་ཞེས་བྱ་བའི་ཆོས་ཀྱི་སྒོ་ཡིན་ནོ། །དེ་ནས་དེའི་ཚེ་ལྷ་མོ་མངོན་པར་སྒྲེག་མ་ཞེས་བྱ་བས་བཅོམ་ལྡན་འདས་ལ་མཆོད་པ་བྱས་ནས་ཚིགས་སུ་བཅད་པ
257b3 འདི་སྨྲས་སོ། །ལྷ་ཆེན་ཆོས་ཀྱི་སྤྲིན་ལགས་ཏེ། །ཐོག་ཏོག་རྒྱལ་པོ་དེ་བཞིན་གཤེགས། དེ་བཞིན་གཤེགས་པས་ཉོན་མོངས་རྣམས། །སྣ་ཚོགས་པར་ནི་ཚར་ཡང་བཅད། །སེམས་ཅན་རྣམས་ལ
257b4 སྨན་སླད་དུ། །ཉོན་མོངས་ཐིབས་པོར་རོལ་པར་མཛད། །ཆོས་ཀྱི་ཐོག་ཏོག་གི་འབེལ་བའི་གཏམ་གྱི་གླེང་གཞིའི་ལེའུ་ཞེས་བྱ་སྟེ། བཅུ་དྲུག་པའོ།། །།སྤྲིན་ཆེན་སྙིང་པོས་གསོལ་པ། ཡེ་ཤེས
257b5 རྡོ་རྗེའི་རྣམ་པ་ལ་འཇུག་པའི་མཛོད་སྲུང་བ་ཞེས་བགྱི་བའི་ཆོས་ཀྱི་སྒོ་བཅུ་བཅོམ་ལྡན་འདས་ཀྱིས་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། རྩེ་བའི་རིན་པོ་ཆེའི་མཛོད་ཅེས་བྱ་བའི
257b6 ཆོས་ཀྱི་སྒོ་དང་། ཚུལ་རབ་ཏུ་དགའ་བའི་རྒྱལ་པོ་ཞེས་བྱ་བའི་ཆོས་ཀྱི་སྒོ་དང་། ཚུལ་གྱི་རྫུ་འཕྲུལ་གྱི་རྣམ་པར་འཕྲུལ་པའི་རྒྱལ་པོ་ཞེས་བྱ་བའི་ཆོས་ཀྱི་སྒོ་དང་། དད་པ་འཕྱོགས་པའི་གནས་ཀྱི་རྣམ་པ་ཞེས
257b7 བྱ་བའི་ཆོས་ཀྱི་སྒོ་དང་། ནམ་མཁའ་ལེགས་པར་བརྒྱན་པའི་རྒྱལ་པོ་ཞེས་བྱ་བའི་ཆོས་ཀྱི་སྒོ་དང་། བུམ་པ་ཤིང་གི་མགོ་ཐོག་ཅན་གྱི་སྨན་གྱི་རྒྱལ་པོ་ཞེས་བྱ་བའི་ཆོས་ཀྱི་སྒོ་དང་། རྒྱ་མཚོ་ཟབ་མོ་མི
iiif viewer powered by OpenSeadragon
