| e-texts navigator |
| Wylie |
256a1 ཆབ་རོམ་ལྟ་བུའི་ཉོན་མོངས་པའི་རྩ་བ་རྣམ་པར་སྒྲོག་པ་ལ་རྣམ་པར་འཕྲུལ་པའི་རྒྱལ་པོ་ཞེས་བྱ་བ་སྟེ། བཅུ་པོ་དེ་དག་ནི། སྤྲིན་ཆེན་པོའི་གློག་འགྱུར་བ་དང་ལྡན་པ
256a2 ལ་འཇུག་པའི་རྣམ་པར་འཕྲུལ་པ་ཞེས་བྱ་བའི་ཆོས་ཀྱི་སྒོ་ཡིན་ནོ། །དེ་ནས་དེའི་ཚེ་ལྷ་མོ་ཤུགས་ལྡན་མ་ཞེས་བྱ་བས་བཅོམ་ལྡན་འདས་ལ་མཆོད་པ་བྱས་ནས་ཚིགས་སུ་བཅད་པ་འདི་དག
256a3 སྨྲས་སོ|་|ང་རྒྱལ་མི་མངའ་བསྙེངས་མི་མངའ། །ཐུགས་རྗེར་ལྡན་ཞིང་སྐྱོན་མི་མངའ། །དཔའ་བོ་ཐབས་ལ་མཁས་པ་སྟེ། །འཇིག་རྟེན་ཀུན་དང་མཐུན་པར་འཇུག་།དེ་རིང་ཁྱོད་ཀྱི་གཟི་བརྗིད
256a4 ཀྱིས|་|འཇིག་རྟེན་མཐུན་པ་བདག་གིས་བརླབས། །བསམ་གྱིས་མི་ཁྱབ་བསམ་ཡས་ལྷ། །དེ་བཞིན་གཤེགས་པ་མཚུངས་མེད་མཚུངས། །སེམས་ཅན་རྣམས་ལ་སྨན་སླད་དུ། །
256a5 ཆོས་རྣམས་སྣ་ཚོགས་སྟོན་པ་མཛད། །སྤྲིན་ཆེན་པོའི་གློག་འགྱུར་བ་དང་ལྡན་ཞིང་མུན་པ་འཇོམས་པའི་གླེང་གཞིའི་ལེའུ་ཞེས་བྱ་སྟེ། བཅུ་གསུམ་པའོ།། །།སྤྲིན་ཆེན་སྙིང་པོས
256a6 གསོལ་པ། སྤྲིན་ཆེན་པོའི་གློག་གི་སྒྱུ་འཕྲུལ་ཞེས་བགྱི་བའི་ཆོས་ཀྱི་སྒོ་བཅུ་བཅོམ་ལྡན་འདས་ཀྱིས་བཤད་དུ་གསོལ། །བཅོམ་ལྡན་འདས་ཀྱིས་བཀའ་སྩལ་པ། རྟག་ཏུ་བརྗོད་པ་ཞེས་བྱ
256a7 བ་དང་། སྤྲིན་ཆེན་པོའི་གློག་གི་སྒྱུ་འཕྲུལ་རྟག་ཏུ་མངོན་པར་སྲུང་བ་ཞེས་བྱ་བ་དང་། རྟག་ཏུ་མངོན་པར་དགའ་བ་ཞེས་བྱ་བ་དང་། རྟག་ཏུ་མངོན་པར་འདོད་པ་ཞེས་བྱ་བ་དང་། མེ་ལ་མངོན་པར་རྩེ་བ
iiif viewer powered by OpenSeadragon
