| e-texts navigator |
| Wylie |
255a1 བས་བསྲུངས། །སེམས་ཅན་རྣམས་ལ་སྨན་སླད་དུ། །གསང་བ་སྣ་ཚོགས་སྟོན་པ་མཛད། །སྤྲིན་ཆེན་པོའི་ཚོགས་ནམ་མཁའ་ལས་འབྱུང་བའི་གླེང་གཞིའི
255a2 ལེའུ་ཞེས་བྱ་སྟེ། བཅུ་གཅིག་པའོ།། །།སྤྲིན་ཆེན་སྙིང་པོས་གསོལ་པ། སྤྲིན་ཆེན་པོའི་གློག་གི་འོད་སྣང་བའི་སྒོ་ཞེས་བགྱི་བའི་ཆོས་ཀྱི་སྒོ་བཅུ་བཅོམ་ལྡན་འདས་ཀྱིས
255a3 བཤད་དུ་གསོལ། བཅོམ་ལྡན་འདས་དེ་བཞིན་གཤེགས་པས་མངོན་པར་རབ་ཏུ་འབར་བར་མཛད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། རིན་པོ་ཆེའི་མཛོད་ཀྱི
255a4 འོད་ཟེར་གྱི་གློག་གི་འོད་ཅེས་བྱ་བ་དང་། ནམ་མཁའ་ལ་བརྩོན་འགྲུས་སྣང་བའི་གློག་གི་འོད་ཅེས་བྱ་བ་དང་། ཤིན་ཏུ་བསྲུངས་ཞེས་བྱ་བ་དང་། མཚམས་ཀྱི་དུས་ཚོད་རྒྱལ་པོ་ཞེས
255a5 བྱ་བ་དང་། དཔལ་གྱིས་བསྲུངས་པའི་བློ་གྲོས་འདོད་པའི་བློའི་རྒྱལ་པོ་ཞེས་བྱ་བ་དང་། དྲི་མ་མེད་པའི་གསེར་གྱི་གློག་གི་འོད་ཀྱི་རྒྱལ་པོ་ཞེས་བྱ་བ་དང་། བཻཌཱུཪྱའི་སྙིང་པོའི་བློ་གྲོས་མི
255a6 ཟད་པའི་སྣང་བའི་གློག་གི་འོད་ཅེས་བྱ་བ་དང་། གནས་ལ་མངོན་པར་མོས་པའི་གློག་གི་འོད་ཅེས་བྱ་བ་དང་། ཡོན་ཏན་གྱི་རྒྱ་མཚོ་ཟབ་མོ་བརྟན་པའི་གློག་གི་འོད་ཅེས་བྱ་བ་དང་། ཡུལ
255a7 ཆམ་དུ་འབེབས་པའི་གློག་གི་འོད་ཅེས་བྱ་བ་སྟེ། བཅུ་པོ་དེ་དག་ནི། སྤྲིན་ཆེན་པོའི་གློག་གི་འོད་སྣང་བའི་སྒོ་ཞེས་བྱ་བའི་ཆོས་ཀྱི་སྒོ་ཡིན་ནོ། །དེ་ནས་དེའི་ཚེ་ལྷ་མོ་མངོན་པར་འཚོ་བར་བྱེད
iiif viewer powered by OpenSeadragon
