| e-texts navigator |
| Wylie |
254b1 གླེང་བཞིའི་ལེའུ་ཞེས་བྱ་སྟེ། བཅུ་པའོ།། །།སྤྲིན་ཆེན་སྙིང་པོས་གསོལ་པ། སྤྲིན་ཆེན་པོའི་ཚོགས་ནམ་མཁའ་ལས་འབྱུང་ཞིང་འདུ་བའི་རྣམ་པར་འཕྲུལ་པའི་རྒྱལ་པོ
254b2 ཞེས་བགྱི་བའི་ཆོས་ཀྱི་སྒོ་བཅུ་བཅོམ་ལྡན་འདས་ཀྱིས་རྒྱས་པར་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། རྩ་བ་ནས་སྐྱེ་བའི་རབ་ཏུ་མགུ་བ་ལ་མཁས་པའི་རྒྱལ་པོ
254b3 ཞེས་བྱ་བ་དང་། རྩ་བའི་རང་བཞིན་ལེགས་པར་མཐོང་ནས་རྟག་ཏུ་བརྗོད་པ་ཞེས་བྱ་བ་དང་། མཉམ་པ་དང་མི་མཉམ་པའི་ཡེ་ཤེས་ཤིན་ཏུ་མཐོང་བའི་རྒྱལ་པོ་ཞེས་བྱ་བ་དང་། བརྟག་པའི
254b4 ཕྱག་རྒྱ་ཞེས་བྱ་བ་དང་། བློ་གྲོས་མི་ཟད་པའི་ཡང་དག་པའི་རྒྱལ་པོ་ཞེས་བྱ་བ་དང་། བསམ་གྱིས་མི་ཁྱབ་པའི་གནས་ཞེས་བྱ་བ་དང་། ཆགས་པ་མེད་པའི་ནན་ཏན་གྱི་རྣམ་པ་ཞེས་བྱ་བ་དང་།
254b5 རྒྱ་མཚོ་ཟབ་མོའི་དུས་ཤིན་ཏུ་ངེས་པའི་རྒྱལ་པོ་ཞེས་བྱ་བ་དང་། དུས་ཚིགས་ཡིད་དུ་འོང་བ་ལ་མངོན་པར་རབ་ཏུ་དགའ་བ་ཞེས་བྱ་བ་དང་། ནམ་མཁའ་དང་མཉམ་པའི་ཡེ་ཤེས་ཀྱི་ཆར་སྤྲིན
254b6 ཆེན་པོའི་ནམ་མཁའི་མཛོད་ཅེས་བྱ་སྟེ། བཅུ་པོ་དེ་དག་ནི། སྤྲིན་ཆེན་པོའི་ཚོགས་ནམ་མཁའ་ལས་འབྱུང་ཞིང་འདུ་བའི་རྣམ་པར་འཕྲུལ་པའི་རྒྱལ་པོ་ཞེས་བྱ་བའི་ཆོས་ཀྱི་སྒོ་ཡིན་ནོ། །དེ་ནས
254b7 དེའི་ཚེ་ལྷ་མོ་ཚུལ་ལ་མཁས་པ་ཞེས་བྱ་བས་བཅོམ་ལྡན་འདས་ལ་མཆོད་པའི་ལས་བྱས་ནས་ཚིགས་སུ་བཅད་པ་འདི་སྨྲས་སོ། །གསང་སྲུང་དཔའ་བོ་ཆེན་པོ་སྟེ། །དེ་བཞིན་གཤེགས་པ་གསང
iiif viewer powered by OpenSeadragon
