| e-texts navigator |
| Wylie |
251b1 པར་སྐྱེ་བས་རྩེ་བའི་རྣམ་པ་ལ་འཇུག་ཅིང་གནས་པ་བགྲོད་པའི་གསང་བ་བཀོད་པའི་རྒྱལ་པོ་ཞེས་བྱ་བའི་ཆོས་ཀྱི་སྒོ་ཡིན་ནོ། །དེ་ནས་དེའི་ཚེ་ལྷ་མོ་རྒྱ་ཆེར་དགའ་བ་ཞེས་བྱ་བས་བཅོམ་ལྡན་འདས་ལ
251b2 མཆོད་པའི་ལས་བྱས་ནས་ཚིགས་སུ་བཅད་པ་འདི་དག་སྨྲས་སོ། །མ་སྐྱེས་ཁྱོད་ལ་ཕྱག་འཚལ་ལོ། །དེ་བཞིན་གཤེགས་པ་ཐབས་ཀྱི་སྐུ། །སྲིད་པར་སྐྱེ་བ་སྣ་ཚོགས་པ། །དྲི་མེད་ཐམས་ཅད་ཐུབ
251b3 པས་བསྟན། །དཔའ་བོ་ཆེན་པོ་རྟག་པའི་སྐུ། །སྲིད་སྐྱེའི་དགྱེས་པ་རྒྱ་མཚོར་མངའ། །གོས་པ་མེད་པའི་དེ་བཞིན་གཤེགས། །འཁོར་བ་དག་ནི་དགེ་བར་བཞེད། །སྲིད་པར་སྐྱེ་བའི་གླེང་གཞིའི་ལེའུ
251b4 ཞེས་བྱ་སྟེ། ལྔ་པའོ།། །།སྤྲིན་ཆེན་སྙིང་པོས་གསོལ་པ། འཁོར་བའི་ཉོན་མོངས་པའི་ཞིང་གི་ལས་ཀྱིས་ཐོབ་པར་བགྱི་བའི་སླད་དུ་སེམས་ཀྱིས་ཡང་དག་པར་ལེན་པའི་རྣམ་པར
251b5 གྲོལ་བའི་སྨོན་ལམ་གསང་བའི་ཆོས་ཀྱི་སྒོ་བཅུ་བཅོམ་ལྡན་འདས་ཀྱིས་རྒྱས་པར་བཤད་དུ་གསོལ། དེ་བཞིན་གཤེགས་པས་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ།
251b6 འཁོར་བའི་ཉོན་མོངས་པའི་ཞིང་གི་འབྲས་བུ་འཐོབ་པ་ཞེས་བྱ་བ་དང་། འཁོར་བའི་ཉོན་མོངས་པའི་ཞིང་ལ་དགའ་བའི་རྒྱལ་པོ་ཞེས་བྱ་བ་དང་། འཁོར་བའི་སྦྱོར་བ་ལ་སེམས་གནས་པ་ཞེས
251b7 བྱ་བ་དང་། འཁོར་བ་ལ་མཆོག་ཏུ་དགའ་བའི་གཟུངས་ཞེས་བྱ་བ་དང་། འཁོར་བར་འགྲོ་བ་ཞེས་བྱ་བ་དང་། འཁོར་བར་ཤིན་ཏུ་ཆར་འབེབས་པ་ཞེས་བྱ་བ་དང་། འཁོར་བའི་རྒྱུ་མི་གཅོད
iiif viewer powered by OpenSeadragon
