| e-texts navigator |
| Wylie |
251a1 པའི་རྒྱ་ཆེན་བྱུང་། །སེམས་ཅན་རྣམས་ལ་སྨན་སླད་དུ། །ལྷ་ཆེན་མཐའ་ཡས་གཟུགས་མངའ་བ། །དེ་བཞིན་གཤེགས་པའི་ལྡེམ་པོ་དག་།ཐུགས་སུ་ཆུད་ནས
251a2 སྟོན་པ་མཛད། །ལྡེམ་པོ་ངག་གི་གླེང་གཞིའི་ལེའུ་ཞེས་བྱ་སྟེ། བཞི་པའོ།། །།སྤྲིན་ཆེན་སྙིང་པོས་གསོལ་པ། སྲིད་པར་སྐྱེ་བས་རྩེ་བའི་རྣམ་པ་ལ་འཇུག་ཅིང་གནས་པ་བགྲོད
251a3 པའི་གསང་བ་བཀོད་པའི་རྒྱལ་པོ་ཞེས་བགྱི་བའི་ཆོས་ཀྱི་སྒོ་བཅུ་བཅོམ་ལྡན་འདས་ཀྱིས་རྒྱས་པར་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། སྤྲིན་ཆེན་སྙིང་པོ།
251a4 སྤྲིན་ཆེན་པོའི་མདོ་ལ་སྲིད་པར་སྐྱེ་བས་རབ་ཏུ་དགའ་བའི་རྒྱལ་པོ་ཞེས་བྱ་བའི་ཆོས་ཀྱི་སྒོ་དང་། སྲིད་པར་སྐྱེ་བ་ལ་འདོད་ཅིང་བློ་གྲོས་དད་པ་ཞེས་བྱ་བ་དང་། སྲིད་པར་སྐྱེ་བ་ལ་སྲོད་པ
251a5 ཞེས་བྱ་བ་དང་། སྲིད་པར་སྐྱེ་བ་ལ་བརྩམ་པ་མེད་པ་ཞེས་བྱ་བ་དང་། སྲིད་པར་སྐྱེ་བ་ལ་རབ་ཏུ་དད་པ་ཞེས་བྱ་བ་དང་། སྲིད་པར་སྐྱེ་བར་སྨོན་པ་ལ་མཁས་པ་ཞེས་བྱ་བ་དང་། སྲིད
251a6 པར་སྐྱེ་བའི་བསྔགས་པ་བརྗོད་པ་ཞེས་བྱ་བ་དང་། སྲིད་པར་སྐྱེ་བ་ལ་དམིགས་པའི་རྒྱལ་པོ་ཞེས་བྱ་བ་དང་། སྲིད་པར་སྐྱེ་བ་ལ་མཁས་པའི་དབང་ཕྱུག་རྒྱལ་པོ་ཞེས་བྱ་བ་དང་།
251a7 སྲིད་པར་སྐྱེ་བ་ན་མི་དགེ་བའི་ཕྱོགས་ཀྱི་ཆོས་རྣམས་ཀྱིས་མ་གོས་པར་གནས་ཤིང་འཇུག་པ་གསང་བའི་བཀོད་པའི་རྒྱལ་པོ་ཞེས་བྱ་བའི་ཆོས་ཀྱི་སྒོ་ཡོད་དེ། བཅུ་པོ་དེ་དག་ནི། སྲིད
iiif viewer powered by OpenSeadragon
