| e-texts navigator |
| Wylie |
250b1 མུན་ནག་ཅིང་ཤིན་ཏུ་ནག་ལ་རབ་ཏུ་སྣང་བ་ཞེས་བྱ་བ་དང་། རྟུལ་ཞིང་རབ་ཏུ་རྟུལ་ལ་ཤིན་ཏུ་རྣོ་བ་ཞེས་བྱ་བ་དང་། གཅོད་ཅིང་འབྱེད་ལ་ཤིན་ཏུ་སྙིང་བརྩེ་བ་ཞེས་བྱ་བ་དང་། བརླང་ཞིང་ཤིན
250b2 ཏུ་སྡིག་བྱེད་ལ་བྱམས་པ་ལ་སོགས་པ་དང་ལྡན་པ་ཞེས་བྱ་བ་དང་། སྦྱིན་པ་ལ་སྨོད་ཅིང་རབ་ཏུ་སྨོད་ལ་སྦྱིན་པ་བསྔགས་པར་སྐྱེད་པ་ཞེས་བྱ་བ་དང་། སྨད་ཅིང་ཤིན་ཏུ་སྨད་ལ་སྨད་དུ་མེད་པ
250b3 ཞེས་བྱ་བ་དང་། རྟག་ཏུ་བདག་བསྟོད་ཅིང་གཞན་སྨོད་ལ་ལས་ཀྱང་རྣམ་པར་དག་པ་ཞེས་བྱ་བ་དང་། ཆགས་ཤིང་རབ་ཏུ་ཆགས་ལ་ཆགས་པའང་མེད་པ་ཞེས་བྱ་བ་དང་། མི་མཉམ་ཞིང
250b4 ཤིན་ཏུ་མི་མཉམ་ལ་མི་མཉམ་པའང་མ་ཡིན་པ་ཞེས་བྱ་བ་དང་། སྡུག་བསྔལ་ཞིང་མི་བདེ་ལ་བདེ་བ་ཞེས་བྱ་བ་དང་། སྟོང་ཞིང་ཤིན་ཏུ་སྟོང་ལ་སྟོང་པ་མ་ཡིན་པ་ཞེས་བྱ་བ་དང་། མི་རྟག་ཅིང
250b5 ཤིན་ཏུ་མི་རྟག་ལ་ཤིན་ཏུ་རྟག་པ་ཞེས་བྱ་བ་དང་། བདག་མེད་པར་གྱུར་ལ་ཤིན་ཏུ་བདག་ཉིད་དུ་གྱུར་པ་ཞེས་བྱ་བ་དང་། མི་སྡུག་ཅིང་ཤིན་ཏུ་མི་སྡུག་ལ་ཤིན་ཏུ་སྡུག་པ་ཞེས་བྱ་བ་ཡོད་དེ།
250b6 ཉི་ཤུ་རྩ་གསུམ་པོ་དེ་དག་ནི། ལྡེམ་པོ་ངག་གི་གཞིའི་བྱེ་བྲག་ལ་འཇུག་པ་ལ་རྨོངས་པའི་ཚུལ་ཅན་གྱི་ཆོས་ཀྱི་ཐབས་ཀྱི་རྒྱུན་གྱི་རྣམ་པར་ཐར་པའི་སྒོ་ཡིན་ནོ། །དེ་ནས་དེའི་ཚེ་འཁོར་ཆེན་པོའི
250b7 ནང་ནས་ལྷའི་བུ་སྐྱེ་བོ་ཐམས་ཅད་དགའ་བ་ཞེས་བྱ་བས་བཅོམ་ལྡན་འདས་ལ་ལྷའི་མཆོད་པ་ཆེན་པོ་བྱས་ནས་ཚིགས་སུ་བཅད་པ་འདི་སྨྲས་སོ། །ཀྱེ་མ་དེང་ནི་ཉན་ཐོས་ཀུན། །མྱོས་པར་བྱེད
iiif viewer powered by OpenSeadragon
