| e-texts navigator |
| Wylie |
247a1 པར་ཡང་མི་འགྱུར་རོ། །ཚེ་རབས་དྲན་པར་ཡང་འགྱུར་རོ། །འཁོར་བའི་ལས་ཀྱི་ཞིང་གི་རྒྱ་མཚོ་ལ་སྲེད་པར་ཡང་མི་འགྱུར་རོ། །ཚེ་རབས་ཐམས་ཅད་དུ་ཐ་ན
247a2 རྨི་ལམ་ན་ཡང་སངས་རྒྱས་མཐོང་བ་དང་འབྲལ་བར་ཡང་མི་འགྱུར་རོ། །སྔ་མ་བཞིན་དུ་སྦྱར་ཏེ། སངས་རྒྱས་ཐམས་ཅད་ཀྱི་ཡུལ་བསམ་གྱིས་མི་ཁྱབ་པ། མཚུངས་པ་མེད་པ།
247a3 དཔེ་མེད་པ། གྲངས་མེད་པ། དཔག་ཏུ་མེད་པ། བགྲང་བ་ལས་འདས་པ་ལ་བགྲང་བའི་རྒྱལ་པོར་ཡང་འགྱུར་རོ། །སྤྲིན་ཆེན་སྙིང་པོ། ཏིང་ངེ་འཛིན་བཞི་བརྒྱ་པོ་འདི་དང་ལྡན་པའི
247a4 བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ནི། ཏིང་ངེ་འཛིན་གྱི་རྒྱ་མཚོར་ཡང་འགྱུར་རོ། །ཏིང་ངེ་འཛིན་ཡང་དག་པར་གསོག་པར་ཡང་འགྱུར་རོ། །ཐོས་པའི་རྒྱ་མཚོར་ཡང
247a5 འགྱུར་རོ། །ཐོས་པ་ཡང་དག་པར་གསོག་པར་ཡང་འགྱུར་རོ། །བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་སོམ་ཉི་མི་ཟ་ཞིང་ཡིད་གཉིས་མེད་དེ། ཐེ་ཚོམ་མི་ཟ་བར་ཡང་འགྱུར
247a6 རོ|་|མི་ཁོམ་པ་རྣམས་སུ་སྐྱེ་བར་ཡང་མི་འགྱུར་རོ། །སྔ་མ་བཞིན་དུ་སྦྱར་ཏེ། སངས་རྒྱས་ཐམས་ཅད་ཀྱི་ཡུལ་བསམ་གྱིས་མི་ཁྱབ་པ། མཚུངས་པ་མེད་པ། དཔེ་མེད་པ། གྲངས
247a7 མེད་པ|་དཔག་ཏུ་མེད་པ། བགྲང་བ་ལས་འདས་པ་ལ་བགྲང་བའི་རྒྱལ་པོར་ཡང་འགྱུར་རོ། །སྤྲིན་ཆེན་སྙིང་པོ། ཏིང་ངེ་འཛིན་གྱི་སྒོ་བཞི་བརྒྱ་པོ་དེ་བཞིན་གཤེགས་པ་རྣམས་དང་། བྱང
iiif viewer powered by OpenSeadragon
