| e-texts navigator |
| Wylie |
246a1 རྣམ་པ་མང་པོ་ལུང་བསྟན་པའི་ཡུལ་ལ་སྤྱིས་བཙན་པའི་རྒྱལ་པོར་ཡང་འགྱུར་རོ། །སངས་རྒྱས་ཐམས་ཅད་ཀྱི་གསང་བའི་ཆོས་སྟོན་པ་རྣམ་པ་དུམ་རྗོད་པར་ཡང
246a2 འགྱུར་རོ། །སངས་རྒྱས་ཐམས་ཅད་ཀྱིས་བཞེད་པའི་ང་རྒྱལ་ལ་གནས་པའི་ཡུལ་ལ་མཁས་པར་ཡང་འགྱུར་རོ། །སངས་རྒྱས་ཐམས་ཅད་ཀྱི་འདོད་ཆགས་མེད་པ་དང་། དྲི་མ་མེད་པ
246a3 དང་། བདག་དང་། སེམས་ཅན་མེད་པ། གསོ་བ་མེད་པ། འཇིགས་པ་མེད་པ་གསང་བ་རྣམ་པ་མང་པོའི་ཆོས་སྟོན་པའི་རང་བཞིན་དག་ལ་རིན་པོ་ཆེ་ལྟ་བུར་ཡང་འགྱུར་རོ། །སངས
246a4 རྒྱས་ཐམས་ཅད་ཀྱི་སེམས་ཅན་འདུལ་བའི་དབང་གིས་འདོད་ཆགས་དང་། ཞེ་སྡང་དང་། གཏི་མུག་དང་། འཇིགས་པའི་ཆོས་ཀྱི་ཕྱོགས་ཐམས་ཅད་ལ་འཇུག་པ་ཡང་དག་པར་མཐོང
246a5 པར་ཡང་འགྱུར་རོ། །སངས་རྒྱས་ཐམས་ཅད་ཡུན་རིང་པོ་བསྐལ་བ་བྱེ་བ་བགྲངས་པ་མང་པོ་ནས་རྒལ་ནས་ཉོན་མོངས་པའི་རྒྱ་མཚོ་ལས་གྲོལ་བར་མཛད་པའི་གསང་བ་ཐམས་ཅད་ཀྱི་དེ
246a6 ཁོ་ན་མཐོང་བར་ཡང་འགྱུར་རོ། །སངས་རྒྱས་ཐམས་ཅད་ཀྱི་སེམས་ཅན་འདུལ་བའི་དབང་གིས་ཉོན་མོངས་པའི་རྒྱ་མཚོར་སྐྱེ་བར་བསྟན་ཏེ། རྒལ་ནས་བསྒྲལ་བར་བྱའོ། །གྲོལ་ནས་དགྲོལ
246a7 བར་བྱའོ་སྙམ་ནས་བསྟན་པའི་གསང་བའི་ཁྱད་པར་གྱི་སྒོའི་རང་བཞིན་དག་མཐོང་བར་ཡང་འགྱུར་རོ། །སངས་རྒྱས་ཐམས་ཅད་ཀྱིས་ཡུན་རིང་པོ་བསྐལ་བ་བྱེ་བ་བགྲངས་པ་མང་པོ
iiif viewer powered by OpenSeadragon
