| e-texts navigator |
| Wylie |
245b1 རྟེན་པར་མི་འགྱུར་ཞིང་སླར་དེ་ལ་ཐབས་ཀྱིས་ཡང་དག་པར་རྟེན་པ་ལྟ་བུར་ཡང་འགྱུར་རོ། །ལས་ལ་རྟེན་པར་འགྱུར་གྱི་བཀྲ་ཤིས་དང་། དགེ་མཚན་ལ་རྟེན་པར་ཡང་མི་འགྱུར་རོ། །སྲོག་གཅོད
245b2 པ་བྱེད་ཀྱང་སྲོག་གཅོད་པ་སྤངས་པར་འགྱུར་རོ། །མེ་ཏོག་ཕྲེང་བ་དང་། སྤོས་དང་། བྱུག་པ་དང་། ཕྱེ་མས་གདབ་པ་དང་། ཁྱིམ་པའི་ལོངས་སྤྱོད་དང་། ཡོངས་སུ་སྤྱད་པ་རྣམ་པ་དུ་མ་དག་དང་།
245b3 ཆུང་མ་དང་ལྷན་ཅིག་ཏུ་འདོད་པའི་ཡོན་ཏན་སྤྱོད་ཀྱང་ཤིན་ཏུ་ཚངས་པར་སྤྱོད་པར་ཡང་འགྱུར་རོ། །སྲོག་གཅོད་པ་དང་། རྐུ་འཕྲོག་བྱེད་པ་དང་། རྫུན་ཚིག་དང་། ཆང་འཐུང་བ་ལ་སོགས་པ
245b4 སྟོན་ཅིང་ལས་རྣམས་བྱེད་ལ། བུ་དང་། ཆུང་མ་རྣམས་སྟོན་ཀྱང་ཤིན་ཏུ་ཚངས་པར་སྤྱོད་པར་ཡང་འགྱུར་རོ། །དེ་བཞིན་གཤེགས་པ་ཐམས་ཅད་ཀྱིས་མཆོད་པར་ཡང་འགྱུར་རོ། །དེ
245b5 བཞིན་གཤེགས་པ་ཐམས་ཅད་ཀྱིས་རྗེད་པར་ཡང་འགྱུར་རོ། །དེ་བཞིན་གཤེགས་པ་ཐམས་ཅད་ཀྱིས་ཆེར་བཀུར་བར་ཡང་འགྱུར་རོ། །དེ་བཞིན་གཤེགས་པ་ཐམས་ཅད་ཀྱིས་སྡུག
245b6 པར་བྱ་བའི་སྲས་སུའང་འགྱུར་རོ། །དེ་བཞིན་གཤེགས་པ་ཐམས་ཅད་ལ་བྱས་པ་གཟོ་བའི་བགོ་སྐལ་ལ་སྤྱོད་པར་ཡང་འགྱུར་རོ། །དེ་བཞིན་གཤེགས་པ་ཐམས་ཅད་ཀྱི་འཕྲིན་ལས་མཚུངས
245b7 པའི་ཆོས་ཀྱི་དེ་ཁོ་ན་མཐོང་བར་ཡང་འགྱུར་རོ། །སངས་རྒྱས་ཐམས་ཅད་དང་ཡེ་ཤེས་ཀྱི་ཡང་དག་པར་རྟོག་པ་མཚུངས་པར་ཡང་འགྱུར་རོ། །སངས་རྒྱས་ཐམས་ཅད་ཀྱི་ཆོས་གསང་བ
iiif viewer powered by OpenSeadragon
