| e-texts navigator |
| Wylie |
244a1 མི་གཡོ་བའི་ཕྱིར་སྒོའི་ཐེམ་པ་ལྟ་བུར་ཡང་འགྱུར་རོ། །ཡང་དག་པ་མཐོང་བའི་ཕྱིར་སེམས་བརྟན་ཞིང་གནས་པར་ཡང་འགྱུར་རོ། །སེམས་མི་ཕྱེད་པའི་ཕྱིར་རྡོ
244a2 རྗེ་ལྟ་བུར་ཡང་འགྱུར་རོ། །མངོན་སུམ་དུ་ཡོན་ཏན་མང་པོ་འཐོབ་པ་མང་བར་ཡང་འགྱུར་རོ། །ངོ་ཚ་ཤེས་པ་དང་ཁྲེལ་ཡོད་པ་དང་ལྡན་པར་ཡང་འགྱུར་རོ། །མཛེས་པར་ཡང་འགྱུར
244a3 རོ|་|བལྟ་ན་སྡུག་པར་ཡང་འགྱུར་རོ། །བརྐམ་པ་མེད་པར་ཡང་འགྱུར་རོ། །ལུས་ཆུང་ངུར་ཡང་མི་འགྱུར་རོ། །ཁ་དོག་བཟང་པོ་རྒྱས་པ་མཆོག་དང་ལྡན་པར་ཡང་འགྱུར་རོ། །རིགས
244a4 མཐོན་པོར་སྐྱེ་བར་ཡང་འགྱུར་རོ། །རིགས་ཆེན་པོར་སྐྱེ་བར་ཡང་འགྱུར་རོ། །འཁོར་མང་བར་ཡང་འགྱུར་རོ། །འཁོར་མི་ཕྱེད་པར་ཡང་འགྱུར་རོ། །བླ་ན་མེད་པ་ཡང་དག་པར
244a5 རྫོགས་པའི་བྱང་ཆུབ་ལས་མི་ཉམས་ཤིང་ཡོངས་སུ་ཉམས་པར་ཡང་མི་འགྱུར་རོ། །ཁ་ཟས་ལ་བརྐམ་པར་ཡང་མི་འགྱུར་རོ། །ཤའི་ཁ་ཟས་ཀྱང་རྣམ་པར་སྤོང་བར་ཡང
244a6 འགྱུར་རོ། །བློ་གྲོས་དང་ལྡན་པར་ཡང་འགྱུར་རོ། །སྐྱེ་བོ་ཐམས་ཅད་ཀྱི་ཡིད་དུ་འོང་ཞིང་ཆེར་བཀུར་བར་ཡང་འགྱུར་རོ། །དྲན་པ་དང་ལྡན་པར་ཡང་འགྱུར་རོ། །གཟི་བྱིན་དང་ལྡན
244a7 པར་ཡང་འགྱུར་རོ། །ཤེས་རབ་དང་ལྡན་པར་ཡང་འགྱུར་རོ། །དགའ་པ་དང་ལྡན་པར་ཡང་འགྱུར་རོ། །འཇིག་རྟེན་དང་མཐུན་པར་འཇུག་པར་ཡང་འགྱུར་རོ། །འཇིག་རྟེན་ལ
iiif viewer powered by OpenSeadragon
