| e-texts navigator |
| Wylie |
243b1 རོ|་|ལེགས་པར་སྨྲས་པ་ཡང་དག་པར་བླངས་པའི་ཕྱིར་གཞན་གྱི་དྲིང་མི་འཇོག་པར་ཡང་འགྱུར་རོ། །ཡེ་ཤེས་རྒྱ་མཚོ་དང་ལྡན་པའི་ཕྱིར་རྒྱ་མཚོ་དུག་ཅན་ལྟ་བུར་ཡང་འགྱུར་རོ། །དཀར
243b2 པོའི་ཆོས་ཡོངས་སུ་རྫོགས་པར་བྱས་པའི་ཕྱིར་ཟླ་བ་ལྟ་བུར་ཡང་འགྱུར་རོ། །གཏི་མུག་གི་མུན་པ་སེལ་བའི་ཕྱིར་ཉི་མ་ལྟ་བུར་ཡང་འགྱུར་རོ། །ཉོན་མོངས་པས་འཁོར་བ་ལ་མངོན་པར་འཇུག
243b3 ཅིང་འགྲོ་བའི་ཚེ་བར་སྣང་ལྟ་བུར་ཡང་འགྱུར་རོ། །དེ་དང་དེ་མངོན་པར་རྟོགས་པས་པདྨ་ལྟ་བུར་གོས་པ་མེད་པར་ཡང་འགྱུར་རོ། །སེམས་ནམ་མཁའ་དང་མཚུངས་པའི་ཕྱིར་མི་གནས
243b4 པར་ཡང་འགྱུར་རོ། །ཆོས་ཐམས་ཅད་ལ་ངེས་པར་འབིགས་པའི་ཕྱིར་རྡོ་རྗེ་ལྟ་བུར་ཡང་འགྱུར་རོ། །དེ་བཞིན་གཤེགས་པའི་ཡོན་ཏན་གྱི་ཆེ་བ་ཉིད་རྟག་པ་དང་། ཐེར་ཟུག་པ་དང་། བརྟན
243b5 པ་ཐོས་ན་མི་གཡོ་བའི་ཕྱིར་རི་ལྟ་བུར་ཡང་འགྱུར་རོ། །དེ་བཞིན་གཤེགས་པའི་རིགས་དང་རྒྱུད་ལ་ཡེ་ཤེས་རྣམ་པར་དག་པའི་ཕྱིར་བཻ་ཌཱུཪྱ་ལྟ་བུར་ཡང་འགྱུར་རོ། །ཉོན་མོངས་པའི་རྙོག་པ
243b6 སེལ་བའི་ཕྱིར་རྒྱ་མཚོ་དུག་ཅན་པའི་གསེར་གྱི་ཕ་བོང་ལྟ་བུར་ཡང་འགྱུར་རོ། །དེ་བཞིན་གཤེགས་པའི་རྟག་པ་དང་། ཐེར་ཟུག་པ་དང་། བརྟན་པའི་རང་བཞིན་མཐོང་བའི་ཕྱིར་ཟླ་བ་ལྟ་བུར
243b7 ཡང་འགྱུར་རོ། །དེ་བཞིན་གཤེགས་པའི་ཆོས་ལས་མི་གཡོ་བའི་ཕྱིར་རི་ལྟ་བུར་ཡང་འགྱུར་རོ། །དེ་བཞིན་གཤེགས་པ་གཏན་དུ་མྱ་ངན་ལས་མི་འདའ་ཞིང་ཆོས་ནུབ་པར་མི་འགྱུར་བ་ཐོས་ན
iiif viewer powered by OpenSeadragon
