| e-texts navigator |
| Wylie |
224b1 གཤེགས་པའི་རྟག་པ་དང་། ཐེར་ཟུག་པ་ཉིད་ཤིན་ཏུ་གསལ་བར་མཐོང་ནས་བདག་ཉིད་བསྔགས་པ་བརྗོད་པའི་རྒྱལ་པོར་ཡང་འགྱུར་རོ། །དེ་བཞིན་གཤེགས་པ་ནི། ཐེར་ཟུག་པའི་སྐུ་ཡིན་ནོ། །ཞེས
224b2 ཐེར་ཟུག་ཏུ་སྨྲ་བར་ཡང་འགྱུར་རོ། །དེ་བཞིན་གཤེགས་པའི་ཞི་བའི་རང་བཞིན་ལ་མངོན་པར་དགའ་བའི་ལྟ་བ་ཕུན་སུམ་ཚོགས་པར་ཡང་འགྱུར་རོ། །དེ་བཞིན་གཤེགས་པའི་རྟག་པ་དང་། ཐེར་ཟུག
224b3 པ་དང་། བརྟན་པ་དང་། ཞི་བའོ། །ཞེས་རྣམ་པ་ཐམས་ཅད་དུ་ལྟ་བའི་རྒྱ་མཚོ་ཐམས་ཅད་དུའང་འགྱུར་རོ། །དེ་བཞིན་གཤེགས་པའི་སྐུ་ནི། ཆོས་ཀྱི་སྐུ་ཡིན་ནོ། །ཞེས་དེ་ཁོ་ན་མཐོང་བར་ཡང་འགྱུར
224b4 རོ|་|དེ་བཞིན་གཤེགས་པའི་རྡོ་རྗེའི་སྐུ་ནི། མི་ཕྱེད་པའི་སྐུ་ཡིན་ནོ། །ཞེས་ཡང་དག་པ་མཐོང་བར་ཡང་འགྱུར་རོ། །དེ་བཞིན་གཤེགས་པའི་སྐུ་ནི། རུས་པ་མ་ཡིན་ཞིང་ཤམ་ཡིན་ལ་ཁྲག་མ་ཡིན་ཏེ།
224b5 རྒྱུས་པ་མ་ཡིན་ནོ། །ཞེས་སྟོང་པ་ཉིད་དུ་སྨྲ་བར་ཡང་འགྱུར་རོ། །དེ་བཞིན་གཤེགས་པའི་ཆོས་བསྟན་པ་ནི། འབྲས་བུ་ཡོད་པ་ཡིན་ནོ། །ཞེས་འབྲས་བུ་ཡོད་པར་སྨྲ་བར་ཡང་འགྱུར་རོ། །དེ་བཞིན
224b6 གཤེགས་པའི་ཆོས་བསྟན་པ་ལ་ནི། འབྲས་བུ་མེད་པར་ཡང་འགྱུར་བ་མེད་དོ། །ཞེས་མེད་པར་སྨྲ་བར་ཡང་འགྱུར་རོ། །དེ་བཞིན་གཤེགས་པ་ལ་ནི། གཏན་དུ་ཡོངས་སུ་མྱ་ངན་ལས་འདས་པར་འགྱུར
224b7 བ་མེད་དོ། །ཞེས་གསལ་བར་སྨྲ་བར་ཡང་འགྱུར་རོ། །དེ་བཞིན་གཤེགས་པའི་རྗེས་སུ་རབ་ཏུ་བྱུང་བའི་སེམས་ཅན་རྣམས་ལ་ནི། ཚུལ་ཁྲིམས་ཉམས་པ་མེད་དོ། །ཞེས་ཚུལ་ཁྲིམས་ཀྱི་བསྔགས་པ
iiif viewer powered by OpenSeadragon
