| e-texts navigator |
| Wylie |
220a1 དང་། །གོར་ཤི་ཤ་དང་ཙནྡན་དམར། །ལྷ་རི་ཙནྡན་དུ་མ་དང་། །ཤིང་ལྗོན་ཚོགས་ཀྱིས་འོད་མའི་ཚལ། །དེ་རིང་སྣང་ཞིང་མཆིས་པར་བགྱིས། །སྐྱེད་མོས་ཚལ་དང
220a2 ནགས་ཚལ་དང་། །རྫིང་བུ་མཚོ་མང་དག་ན་ཡང་། །དུས་ཚིགས་ཀུན་གྱི་ཨུཏྤལ་ཚོགས། །མེ་ཏོག་རྒྱས་པས་འོད་མའི་ཚལ། །དེ་རིང་སྣང་ཞིང་མཆིས་པར་བགྱིས། །རིན་ཆེན་ཀུན་གྱི་ཤིང་ལྗོན
220a3 དང་། །རིན་ཆེན་འཁྲི་ཞིང་ཡོངས་སུ་འཁྲི། །རིན་ཆེན་ཀུན་གྱི་ཨུཏྤལ་གྱི། །མེ་ཏོག་ཚོགས་རྣམས་དེ་རིང་མཛེས། །སངས་རྒྱས་མཐུས་ནི་དེ་རིང་དུ། །འདི་ལྟར་ཉི་ཟླའི་དཀྱིལ་འཁོར་དག། འཇིག
220a4 རྟེན་ཁམས་ནི་མང་པོར་ཡང་། །དཀོན་པའི་ལས་མང་བགྱིས་པ་གདའ། །འཇིག་རྟེན་ཁམས་ནི་མང་པོ་དག་།མེ་ལོང་གི་ནི་དཀྱིལ་འཁོར་ལྟར། །སེམས་ཅན་བྱེ་བ་མང་པོ་ཡི། །འདི་ན་མཆིས
220a5 བཞིན་གསལ་བར་མཐོང་། །ངང་པ་ཁྲུང་ཁྲུང་ངུར་བར་བཅས། །ཤང་ཤང་ཏེའུ་ནི་མང་པོ་དང་། །ཀ་རནྟ་བ་རྨ་བྱ་དང་། །དེ་བཞིན་ཁུ་བྱུག་ཀུན་ལ། །བུང་བ་མཐའ་ཡས་བུང་བུང་སྒྲོག་།རྒྱལ
220a6 པོའི་ཁབ་ཏུ་དེ་རིང་ནི། །བྱ་རྣམས་རྣམ་པ་དུ་མ་དག་།སྐད་སྙན་འབྱིན་ཅིང་སྒྲོག་པར་བགྱིད། །ནག་པ་དང་ནི་ལྗང་ཁུའི་མདོག་།མདོག་སྡུག་དང་ནི་སྔོ་བ་དང་། །པདྨ་དཀར་པོའི་མདོག་ཅན་གྱི། །
220a7 ངང་མཆོག་གླང་ཆེན་སེངྒེ་རྣམས། །སེངྒེའི་སྒྲ་ནི་སྒྲོག་བགྱིད་ཅིང་། །རྒྱལ་པོའི་ཁབ་ནི་དེ་རིང་མཛེས། །འཛམ་གླིང་ཡུལ་འཁོར་བཅས་པ་དང་། །ལུང་བར་བཅས་དང་ཚོང་རྡལ་བཅས། །འབྱོར་རྒྱས
iiif viewer powered by OpenSeadragon
