| e-texts navigator |
| Wylie |
219b1 ལས་འབྲུག་སྒྲ་སྒྲོག་། གློག་མང་ཐམས་ཅད་རྣམ་པར་འགྱུར། །རིན་ཆེན་གང་བའི་ཆུ་རྒྱུན་འབབ། །དེ་དག་ཚུལ་གྱི་ཆར་འབབ་ཅིང་། །སེམས་ཅན་མི་གནོད་མཐུན་པར་བསིལ། །སྲོག་ཆགས་ཕྲ་མོ་སྡིག
219b2 སྦྲུལ་སྦྲང་། །དེ་རིང་རབ་དགའ་མགུ་ཞིང་རྩེ། །ལེ་བརྒན་རྩི་དང་ས་ལ་དང་། ། ཏི་མུཀྟ་ཏི་ལ་ཀ། པུཎྚ་ག་དང་ཀེ་ཏ་དང་། ཀུ་རུ་བ་ཀ་ཀེ་ས་ར། །དྲི་ཞིམ་པ་དང་ན་ག་དང་། ། ག་རུ་དང་དོང་ཀ་ཡིས། །འོད
219b3 མའི་ཚལ་ནི་དེ་རིང་དུ། །ཤིན་ཏུ་སྣང་ཞིང་མཆིས་པར་བགྱིས། །བ་ཀུ་ལ་དང་ཙམྦ་ཀ་།ཐང་ཤིང་པྲི་ཡང་ཀུ་ཡི་ཤིང་། །གསེར་ཕྲོམ་དང་ནི་ཉོ་ཏི་དང་། །སྒྲོན་ཤིང་དང་ནི་ཡོངས་འདུ་དང་། །ཤིང་ལྗོན
219b4 ཚོགས་ཀྱིས་འོད་མའི་ཚལ། །དེ་རིང་སྣང་ཞིང་མཆིས་པར་བགྱིས། ། མྲ་ཏ་ལ་ཀ་བིད་ཐ། །པ་ན་ས་དང་ཙནྡན་དམར། །བ་མངལ་ཤིང་ནི་དྲི་ཞིམ་གྱིས། །འོད་མའི་ཚལ་ནི་དེང་སྣང་བགྱིས། །སྲ་རྩི
219b5 ཤིང་མཆོག་པ་རངྒ། །ད་ཙུ་ཀ་དང་ཀེ་ས་རི། །མྱ་ངན་འཚང་དང་ཙམྤ་ཀ་།དམར་སེར་གྱིས་ནི་འོད་མའི་ཚལ། །དེ་རིང་འབར་ཞིང་མཆིས་པར་བགྱིས། །རྒྱ་ཤུག་ཛམྦུ་ཀམྤ་རི། །སྐྱུ་རུ་བེལ
219b6 ལ་སེའུ་ཤིང་ནགས། །ཏེ་ན་དུ་ཀ་དང་བ་ཀ་ས། །མངར་ཞིང་ཞིམ་པའི་ཤིང་ལྗོན་དང་། །འབྲ་ཀོའི་ཤིང་མང་རྒུན་ཤིང་ཚོགས། །བལ་བུ་དང་ནི་ས་བརྟོལ་མང་། །མ་ན་ཀ་ར་དོང་ཀ་དང་། །ཤིང་ལྗོན
219b7 ཚོགས་ཀྱིས་འོད་མའི་ཚལ། །དེ་རིང་སྣང་ཞིང་མཆིས་པར་བགྱིས། ། ག་རུ་ཡི་ཤིང་དག་དང་། །ཏ་མ་ལ་འདབ་རབ་མཛེས་དང་། །གུར་གུམ་དང་ནི་ཕུར་མོ་དང་། །ས་བོན་ཚོགས་ནི་མང་པོ
iiif viewer powered by OpenSeadragon
