| e-texts navigator |
| Wylie |
219a1 ཀུན་ལ་ཐུགས་བརྩེ་ལྡན། །རྒྱལ་ཆེན་གསང་བ་མང་པོ་མངའ། །རྒྱལ་བ་ཟླ་བ་འོད་ཆེན་ལགས། །དེང་ནི་ལྷ་ཁྱོད་བཟང་བ་སྟེ། །མདོ་མཆོག་འདུ་སྟོན་སྟོན་པར་མཛད། །དེང་ནི་ལྷ
219a2 ཁྱོད་མཛེས་གྱུར་ཏོ། །ལྷ་དང་འཇིག་རྟན་མཐུན་པར་མཛད། །འདྲེན་མཆོག་ལྷ་ཁྱོད་དེང་སྒྲོག་སྟེ། །མདོ་བསྒྲགས་མིང་བཅས་སྟོན་པར་མཛད། །རྒྱལ་པོའི་ཁབ་ནི་རི་དང་བཅས། །དེ་རིང་ཁྱོད་ཀྱིས་སྣང
219a3 བར་མཛད། །དེ་རིང་གདན་མཆོག་མཛེས་གྱུར་ཏེ། །ནོར་བུ་རིན་ཆེན་བྱེ་མང་སྤྲས། །ཡོན་ཏན་མཐའ་ཡས་བརྒྱན་པ་ཡི། །ས་གཞི་ལྷ་ཡི་གོས་ཀྱིས་བཀབ། །བབ་ལ་ལྡོང་རོས་མུགས་མཚལ་གྱིས། །ལེགས
219a4 བྲིས་འབྱེས་པར་བྱས་པ་ལ། །གསེར་དང་ནོར་བུ་བཻ་ཌཱུཪྱ། །ཤེལ་རྣམས་ཀྱིས་ནི་ཡོངས་སུ་སྤྲས། །བྱ་རྒོད་ཕུང་པོ་མཆོག་གྱུར་པ། །གངས་ཀྱི་རི་ཡི་རྩེ་བརྒྱ་དག་།རབ་ཏུ་འབར་བས་མཛེས་པར་བྱས། །
219a5 དཔལ་དང་ལྡན་པའི་གྲོང་ཁྱེར་འདི། །ལྷ་ཡི་རིན་ཆེན་བླ་ཡི་ཚོགས། །དགྲ་ཁང་དག་ཀྱང་ལེགས་པར་བཅས། །ཁང་བཟང་གཞལ་མེད་ཁང་མང་གིས། །ཁོར་ཡུག་ནས་མཛེས་པར་གྱུར། །མཚོ་ཕྲན་དང
219a6 བ་རྫིང་ཆེན་མཆོག་། རྫིང་བུའི་ཆུས་ནི་ཡུལ་རྣམས་བརྒྱན། །བདེར་འཇུག་འབབ་སྟེགས་རྫིང་ཆེན་མང་། །རྒྱལ་པོའི་ཁབ་ན་དེ་རིང་དུ། །ལྷ་ཡི་གྲོང་ཁྱེར་བཞིན་དུ་མཛེས། །རྔ་དང་དུང་དང་དྲིལ་བུ་དང་།།
219a7 བི་ཝང་རྒྱུད་བཅས་མ་སྦྲེངས་པར། །སྒྲ་ཆེན་སྒྲོག་པར་འབྱུང་བ་འདི། །ངོ་མཚར་རྨད་དུ་བྱུང་བ་ལགས། །ལུས་བདེ་ཡིད་དང་འཐད་པ་ཡི། །སེར་བུ་ངད་ཀྱང་ལྡང་བར་གྱུར། །པར་སྣང་མཁའ
iiif viewer powered by OpenSeadragon
