| e-texts navigator |
| Wylie |
218b1 སྤྲིན་གྱི་ཆར་ཡང་མངོན་པར་ཕབ་སྟེ། དེ་བཞིན་གཤེགས་པའི་བསམ་གྱིས་མི་ཁྱབ་པའི་ཡུལ་གྱི་ཆོ་འཕྲུལ་ཆེན་པོའང་མངོན་སུམ་དུ་མཐོང་ལ། དེ་བཞིན་གཤེགས་པའི་ཚུལ་དམ་པའི་ཆོས་བརྟན
218b2 པ་དང་། ཤིན་ཏུ་རྒྱས་པ་ཆེན་པོའི་མདོའི་རྒྱལ་པོ་དང་། དེ་བཞིན་གཤེགས་པའི་ཡོན་ཏན་གྱི་ཆེ་བ་ཉིད་རྟག་པ་དང་། ཐེར་ཟུག་པ་དང་། བརྟན་པ་དང་། ཞི་བ་དང་། ཤཱཀྱའི་རིགས་ཀྱི་རྒྱུད་རྣམ་པར
218b3 དག་པ་དང་། དེ་བཞིན་གཤེགས་པའི་བསྟན་པ་འབྲས་བུ་ཡོད་པའི་ཚིག་སྨོས་པ་ཐོས་ནས་མངོན་པར་རྩེ་ཞིང་རབ་ཏུ་དགའ་བའི་སེམས་བསྐྱེད་དེ་རང་རང་གི་བླ་གོས་ཀྱིས་དེ་བཞིན་གཤེགས་པའི་སྐུ་ལ
218b4 གསོལ་ནས་ཁ་མཐུན་པར་ཚིགས་སུ་བཅད་པ་འདི་དག་སྨྲས་སོ། །དེ་བཞིན་གཤེགས་པ་རྟག་པའི་སྐུ། །རྟག་པའི་མཚན་རྣམས་ཕུན་སུམ་ཚོགས། །ཡོན་ཏན་མཐའ་ཡས་མཚོ་མངའ་བ། །སངས་རྒྱས
218b5 ལ་ནི་མགོས་ཕྱག་འཚལ། །བཅོམ་ལྡན་ཁྱོད་ནི་གཟི་བརྗིད་རྟག་།རྟག་པའི་མཚན་ནི་མཛེས་པ་པོ། །དཔའ་བོ་ཆེན་པོ་ལྷ་ཡི་ལྷ། །བསམ་གྱིས་མི་ཁྱབ་དཔེ་མ་མཆིས། །དཔའ་བོ་ཆེན་པོ་སྐུ་རྟག་པ། །ཏིང
218b6 འཛིན་ཡོན་ཏན་རྒྱ་མཚོ་ཆེ། །ཆོས་སྤྲིན་ཆར་པ་ཆེན་པོ་ཡི། །སྤྲིན་གྱི་མདོ་ནི་སྟོན་པ་པོ། །ཞི་བའི་སྐུ་ལྡན་ཞི་གྱུར་པ། །ཞི་བའི་སྤྲིན་ནི་སྟོན་པ་པོ། །གཟི་བརྗིད་ཞི་ཞིང་དཔལ་ཡང་ཞི། །ཕུན་སུམ་ཚོགས་པ་ཞིང
218b7 ལ་གནས། །གནས་རྟག་ཡེ་ཤེས་རྟག་པ་སྟེ། །ཞིང་རྟག་རྟག་པའི་རྣམ་པ་ལགས། །མི་རྟག་ཚོགས་ཀྱི་མུན་སེལ་པ། །མི་རྟག་ཕྱོགས་ནི་ཟད་པར་མཛད། །ཁྱོད་ནི་ལྡེམ་ངག་མཁས་པ་སྟེ། །སེམས་ཅན
iiif viewer powered by OpenSeadragon
