| e-texts navigator |
| Wylie |
218a1 ཇི་ལྟ་བ་བཞིན་དུ་སེམས་ཤིན་ཏུ་སྦྱངས་ཤིང་རབ་ཏུ་བརྟན་པར་གྱུར་ནས་མངོན་པར་གར་བྱེད་ཅིང་སྐད་འབྱིན་ཏེ་བཅོམ་ལྡན་འདས་ལ་སྲི་ཞུ་བྱེད་པ་ལ་ཞུགས་སོ། །དེ་ནས་དེའི
218a2 ཚེ་དེ་བཞིན་གཤེགས་པའི་རྣམ་པར་འཕྲུལ་པས་འཁོར་ཆེན་པོ་ལྷ་དང་། ཀླུ་དང་། གནོད་སྦྱིན་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོ་དང་། དྲི་ཟ་དང་། ལྷ་མ་ཡིན་དང་། སྲིན་པོ
218a3 དང་། གྲུལ་བུམ་དང་། འབྱུང་པོ་དང་། གཅོད་བྱེད་ཀྱི་བུ་དང་། བརྒྱ་བྱིན་དང་། འཇིག་རྟེན་སྐྱོང་བ་དང་། ཚངས་པ་དང་། ནགས་ཚལ་གྱི་ལྷ་དང་། བྱ་དང་། རིག་སྔགས་འཆང་དང་། འདོད་རྒུར་སྒྱུར་པའི
218a4 གཟུགས་ཅན་གྱི་ལྷ་མོའི་ཚོགས་འདྲེས་པ་དང་། དེ་བཞིན་གཤེགས་པའི་རྣམ་པར་འཕྲུལ་པས་འཛམ་བུའི་གླིང་ཤིན་ཏུ་རྒྱས་པར་གྱུར་པ་དང་། འཇིག་རྟེན་གྱི་ཁམས་སྤྲུལ་པ་ཐམས་ཅད་མཐོང
218a5 ནས་ཆེད་དུ་བསམ་སྟེ་དེ་བཞིན་གཤེགས་པ་ལ་ལྷའི་མེ་ཏོག་སྤྲིན་གྱི་ཆར་མངོན་པར་ཕབ་བོ། །ལྷའི་སྤོས་ཀྱི་སྦྱིན་གྱི་ཆར་ཡང་མངོན་པར་ཕབ་བོ། །ལྷའི་ཕྱེ་མའི་སྤྲིན་གྱི་ཆར་ཡང་མངོན་པར་ཕབ
218a6 པོ|་|ལྷའི་མེ་ཏོག་ཕྲེང་གི་སྤྲིན་གྱི་ཆར་ཡང་མངོན་པར་ཕབ་བོ། །ལྷའི་རིན་པོ་ཆེའི་སྤྲིན་གྱི་ཆར་ཡང་མངོན་པར་ཕབ་བོ། །ལྷའི་གདུགས་ཀྱི་སྤྲིན་གྱི་ཆར་ཡང་མངོན་པར་ཕབ་བོ། །ལྷའི་གོས་དང་།
218a7 རྒྱལ་མཚན་དང་། བ་དན་གྱི་སྤྲིན་གྱི་ཆར་ཡང་མངོན་པར་ཕབ་བོ། །ལྷའི་སིལ་སྙན་དང་ཕེག་རྡོབ་པའི་སྤྲིན་གྱི་ཆར་ཡང་མངོན་པར་ཕབ་བོ། །ལྷའི་གླུ་དང་གར་དུ་ལྡན་པས་མངོན་པར་གར་བྱེད་པའི
iiif viewer powered by OpenSeadragon
